Enviado por admin o Mar, 01/10/2024 - 19:04
Os pasados días 24 e 25 de setembro a Coordinadora de Proxectos Internacionais do IES de Teis asistiu ás xornadas de formación "Jornadas de Movilidad Erasmus+ de Formación Profesional. Proyectos acreditados de movilidad de estudiantes y personal de Formación Profesional (KA121-VET)", organizadas polo SEPIE na cidade de Ceuta. Unha magnífica ocasión para coñecer as novidades do noso novo proxecto KA121 co que o noso alumnado de ciclos medios e básicos e o seu profesorado poderá realizar mobilidades no vindeiro curso. A maiores estas xornadas son perfectas para crear unha rede de centros, coñecer a outras persoas coordinadoras e aprender do que se fai noutros centros. Grazas pola magnífica experiencia!
