Deportes

MARCHAS CICLISTAS POPULARES

Ven, 24/10/2014 - 10:34

Se sodes afeccionados ao ciclismo interesaravos esta actividade.

O "club ciclista Ferrol" e o Concello de Ferrol organizan marchas ciclistas todos os meses deste curso 2014-2015. A primeira será esta fin de semana, o domingo día 26, e haberá outras o 30 de novembro, o 28 de decembro, o 25 de xaneiro, o 22 de febreiro, o 29 de marzo, o 26 de abril, o 31 de maio e o 21 de xunio.

Todas as marchas saen sempre da praza de Armas ás 11:00 da mañá. Animádevos!

Máis información.

Unha campeona no Sofía Casanova

Mér, 20/11/2013 - 12:37

O IES Sofía Casanova conta entre o seu alumnado cunha campeona de kayak polo.

Podes ver a entrevista que recentemente La Voz de Galicia fixo a Antía Graña González premendo no seguinte enlace: entrevista.

Outra victoria de Sergio Trillo

Ven, 31/05/2013 - 08:30

sergiotrillo Non o perdemos de vista, e na prensa de hoxe (La Voz de Galicia, Edición de Ferrol) se conta o novo ouro NA COPA DE EUROPA JUNIOR!!

Parabéns Sergio, e agora duro coas PAU.

Parece fácil? Laura o consigue!

Mér, 22/05/2013 - 06:47

lauraPena Saben que en 2ºB de ESO temos a Laura Pena, capaz de axudar decisivamente a que o equipo galego acadara a novena posición no Campionato de España de seleccións autonómicas en idade escolar?
Laura é membro do Club Esquío, a quen damos os parabéns, e fai ximnasia dende os cinco. Esta fin de semana pasada tivo que viaxar a Murcia para a competición e así estaba hoxe de contenta amosando a reseña de Diario de Ferrol.

Tamén estamos contentos nós! Xente esforzada como Laura anímanos a facer ben o traballo contián. Moitos éxitos máis para Laura e o Esquío.

Ler máis

Ouro dous anos consecutivos

Mar, 30/04/2013 - 12:28

Lucas Imos descubrindo máis campións polos pasillos! Hoxe Lucas Sanmartín García, de 1ºB de ESO posou coas súas dúas medallas de Campión de España de Batel, categoría infantil masculina. Diredes, dúas? Pois a deste ano e a do ano pasado, nin máis nin menos.
A deste ano foi o 28 de abril en Camarco (Cantabria). Ah, e despois de gañar o Campionato Galego o domingo anterior en Vilaxoán.
Lucas é proel do batel do Clube de Remo A Cabana-Ferrol, unha das institucións que máis ten feito polo deporte de base. Parabéns a Lucas e os seus catro compañeiros e ánimos ao clube.
Se queredes ver a prensa tédela aquí.