Feminismo e Machismo
|
En toda a súa obra e na súa vida hai unha defensa das mulleres e unha denuncia contra os hábitos machistas da súa sociedade: UN REPOLUDO GAITEIRO |
|
| Un repoludo gaiteiro De pano sedán vestido, Com´un príncipe cumprido, Cariñoso e falangueiro, Antr´os mozos o pirmeiro E nas siudades sen par, Tiña costum´en cantar Aló pola mañanciña, Con esta miña gaitiña Ás nenas hei d´enganar. Sempre pola vila entraba Con aquel de señorío, Sempre con puxante brío Co tambor se acompañaba: E se na gaita sopraba Era tan doce soprar, Que ben fixera cantar Aló pola mañanciña, Con esta miña gaitiña Ás nenas hei d´enganar. Todas por el reloucaban, Todas por el se morrían, S´o tiñan cerca, sorrían, S´ o tiñan lonxe, choraban: Mal pecado! Non coidaban Que c´quel seu frolear Tiña costum´en cantar Aló pola mañanciña, Con esta miña gaitiña Ás nenas hei d´enganar. |
Camiño da romaría Debaixo d´unha figueira, Canta meniña solteira ¡Quérote! lle repetía... Y el c´á gaita respondía Por a todas embaucar, Pois ben fixera en cantar Aló pola mañanciña, Con esta miña gaitiña Ás nenas hei d´enganar. Esas louquiñas bailaban E por xunta d´el corrían, Cegas... cegas que non vían As espiñas qu´as cercaban; Probes palomas buscaban A luz qu´as iba queimar Pois qu´el soubera cantar Aló pola mañanciña, Con esta miña gaitiña Ás nenas hei d´enganar. ¡Nas festas, canto contento! ¡Canta risa nas fiadas! Todas todas namoradas Deranll´ó seu pensamento; e el que d´amores sedento Quixo a todas enganar, Cand´as veu dimpois chorar Cantaba nas mañanciñas, Non sexan elas toliñas Non veñan ó meu tocar. |
