O alumnado que teña as matemáticas pendentes de cursos anteriores será obxecto dun seguimento mediante actividades propostas (polo profesorado que imparte no seu curso e grupo actual) que terá que realizar en cada período avaliativo, coas que se traballará a materia de cara a preparar as probas que puidesen ser necesarias en cada avaliación parcial. No caso de non superar a materia pendente nas avaliacións parciais este alumnado terá oportunidade de recuperación nunha proba final.

No caso de 2º de bacharelato, o alumnado que non supere a materia pendente na avaliación ordinaria terá que repetir a parte correspondente a avaliación parcial non superada, nunha proba extraordinaria. A cualificación da avaliación extraordinaria será a media aritmética das cualificacións obtidas nesta proba xunto coas cualificacións das avaliacións parciais superadas.