Que ou quen falta???

A nosa Meiga particular está de troula!!!!

Para festexar o Samaín a nosa Meiga preparounos unha sorpresa!!!

Que fai aí ese morcego? E ese esqueleto? É o número π o que está agochado nesa fenda? Vaites o cadaleito do señor Saturio!!! E ese é Wally????

Esta Meiga non quere festexar soa e precisa da nosa axuda.

Dinos que ou quen falta: trasnos, diaños, meigas, fadas, zombis, fungos, mofos, serpes, arañas, píntegas, fotos, expresións matemáticas, físicas ou químicas, textos, ...

Podes traer o teu debuxo terrorífico, a foto cos teus colegas disfrazados ou da túa mascota, ese texto onde a morte ou os espíritos son protagonistas; ese exercicio de mates co que non podes, esa partitura imposible ou eses comentarios de texto que non sabes por onde comezar.

Como vedes “case” todo vale, buscade a relación co Samaín.

Podedes participar sós, en grupo, por clases. Pedide a colaboración dos vosos profes e titores!!!!

Traédenos as vosas colaboracións para o LABIRINTO da BIBLIO-SAMAÍN e entregádenolo no mostrador da biblioteca, alí tomaremos os datos e colocarémolo no labirinto do terror.

Os mellores e máis orixinais terán premios terroríficos!!!!!