Admisión

INFORMAMOS a tódalas familias solicitantes de praza, para 1º de ESO, curso 2023/2024, que ata o 31 de marzo de 2023, está aberto o prazo no que se pode aportar a documentación necesaria para xustificar os criterios alegados na solicitude de admisión e que non se poidan comprobar telemáticamente pola Administración, segundo o disposto no artigo 30 da Orde de 21 de outubro de 2022 que regula o proceso.

No taboleiro interno do centro pódese consultar o número aleatorio que lle corresponde a cada consulta para poder aplicar, de ser o caso, o criterio de desempate regulado no artigo 34.2 da devandita Orde.

-Non se debe confundir a ADMISIÓN coa MATRÍCULA.

-A admisión é só para o alumnado que se queira incorporar ó centro, no próximo curso 2023/24, procedente doutros centros.

-A matrícula é para todo o alumnado, o de nova incorporación e tamén para o que xa forma parte do IES RAMÓN CABANILLAS. Renóvase curso a curso, tódolos anos.

-O alumnado do centro non ten que realizar a admisión para seguir cursando estudios no IES RAMÓN CABANILLAS, só debe formalizar a matrícula ordinaria nos prazos establecidos que estarán expostos nos taboleiros do centro e na páxina Web.

-O alumnado de 1º de ESO procedente do CEIP de Corvillón e máis do CEP Antonio Magariños Pastoriza, xa ten praza adxudicada no centro e só ten que formalizar a matrícula nos prazos establecidos que estarán expostos nos taboleiros do centro e na páxina Web.

-No mes de xuño estará exposto o calendario de matrícula por cursos, tanto no Centro como na nosa páxina Web.

- Información da Consellería de Educación sobre admisión web.

NORMATIVA APLICABLE:

• Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

• Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).