O pasado venres, 22 de febreiro, na rúa de Rosalía de Castro, o alumnado de 1ºESO B asistiu á celebración coordinada polo Concello de Cambados, dedicada ao Día de Rosalía.
Houbo tempo para a música, con Lucía Veloso póndolle voz aos seus poemas, e Manuel Dopico e Álvaro Cardalda nos instrumentos. E para darlle sabor á poesía rosaliana, nada mellor que o seu "Caldo de Gloria", elaborado polo cociñeiro Xoán Galván.
Ademais, foron entregados os premios do Certame Literario, e a nosa compañeira de 2ºBach-C, Andrea Lede, resultou gañadora. Parabéns!
