Aproveitamos a data de hoxe 24 de outubro, DÍA DAS BIBLIOTECAS ESCOLARES, para deixarvos o documento dixital que recolle as actividades da biblioteca para o primeiro trimestre deste curso.

Lembrámosvos que este ano propoñemos LER CIENCIA. : novelas, relatos, artículos científicos, biografías, poesía, cine...

Onte luns, tralo encontro con Xosé Neira Vilas, o Centro de Recursos para persoas Discapacitadas de Valadares compartiu co alumnado do IES dúas representacións teatrais interpretadas por usuarios e monitores do centro. Dous ex-alumnos do instituto, Rubén e Cristina, subiron ó escenario cos seus compañeiros para novamente darnos unha lección a todos, de saber estar e saber actuar.

Clicando AQUÍ veredes algunhas imaxes máis que recollen distintos momentos das obras.

Xa estamos metidos de cheo na celebración da I Semana Cultural, coincidindo coa conmemoración das Letras Galegas.

Onte acudimos á Casa da Cultura de Outes para escoitar a voz de XOSÉ NEIRA VILAS e para celebrar con el o 50ª aniversario de MEMORIAS DUN NENO LABREGO. O escritor de Vila de Cruces falou para o alumnado dos dous colexios do concello, do instituto e tamén para os usuarios do CRD de Valadares, e respondeu ás súas preguntas lembrándolles que para escribir "DÉBESE DE LER MOITO E LER BEN".

Neira Vilas, sempre cercano ó público máis novo, rematou este encontro coa mocidade de Outes asinando ducias de exemplares dos seus libros. Podedes ver algunhas imaxes do evento neste enlace.

Os Leliadouros do IES Leliadoura (RIbeira) e os Laretas e Laretiñas do Poeta Añón    (Outes) xuntámonos en Ribeira para compartir xantar, experiencias, recomendacións lectoras e visitar algúns dos recunchos máis fermosos do concello.

Un pequeno recordatorio para toda a comunidade do IES POETA AÑÓN:

BRAIS ROMERO e

  SAÚL SÚAREZ

Aquí tedes a primeira proposta para esta semana (pode participar toda a comunidade: alumnado, profes, pais e persoal non docente).

Nesta folla recóllense 42 fotogramas correspondentes a outras tantas películas.Todas elas están na BIBLIOTECA do noso centro

Sabes cales son os títulos?  SI? Pois xa estás pedindo na conserxería a folla para escribir as respostas. Lembra que:

• A participación é individual (aínda que te poden axudar)
• Debes escribir o teu nome completo (e curso, no caso de ser alumno) na folla das respostas
• Tela que entregar na biblioteca antes do 1 de febreiro.
• Non importa que non coñezas os títulos de TODAS as películas. Gañará a persoa que máis títulos acerte.
• Entregarase un ÚNICO PREMIO.

ÁNIMO E A PARTICIPAR!!

Como xa sabedes, o 30 de xaneiro celebramos o Día Escolar pola Paz e a Non-Violencia. Para este curso propoñémosvos unha serie de actividades que, cando menos, esperamos que vos fagan reflexionar sobre o tema.

Deixamos aquí as propostas que terán lugar ó longo da semana nas aulas e na biblioteca do centro.

Levounos varios anos conseguilo pero, POR FIN!!!, parece que as musas deron unha volta por Outes co fin de inspirarvos á hora de buscar unha IMAXE e un NOME para a nosa mascota.

A dicir verdade, xa no curso pasado, o personaxe que aquí vedes, creado por MOISÉS ROMERO LESTÓN -alumno de 4º ESO- foi seleccionado como mascota da biblioteca.

Só lle faltaba un nome axeitado. Por esta razón o pasado mes de outubro convocamos o concurso "DAME un NOME" , no que a proposta de IRIA GARCÍA GARCÍA (de 3ºA) coa súa historia "LARETAS" foi a gañadora, recibindo como agasallo un lotiño de libros.

Se queres saber máis sobre LARETAS, pincha na imaxe inferior. Poderás ler tamén as propostas de outros alumnos e alumnas de 2º e 3º de ESO.

Xa estamos aquí outro ano máis. Despois do paréntese estival esperamos que todos (alumnado novo, as caras xa coñecidas e mesmo aqueles que lle colleron cariño o centro e non queren marchar) veñades coas pilas cargadas. Alomenos o equipo da Biblioteca ven cargado de NOVAS IDEAS  para este curso.

De entrada  dirémosvos que imos centrar as actividades deste ano no mundo do COMIC...

OS PERSONAXES DA IMAXE (E OUTROS MOITOS) VAN INVADIR O NOSO CENTRO.

SODES QUEN DE IDENTIFICALOS??