Hoxe recordamos a importancia da paz nun acto  que combinou a lectura de textos e a interpretación de varias cancións.

Hoxe os grupos de 6º de Primaria do CEIP O Mosteirón viñeron coñecer o noso insti, que será o seu o vindeiro curso. Alumnado voluntario de 1º e 4º foi o encargado de ensinarlles o Centro e aclarar as súas dúbidas. Rematamos a visita cunha merendola e un agasallo

Segundo se contempla na Orde de 12 de marzo de 2013, pola que se desenvolve o procedemento para a admisión do alumnado en centros docentes sustentados con fondos públicos,  artigo 10.2 “o alumnado que pretenda continuar estudos nun centro de adscrición, para os efectos de reserva de praza neste, deberá presentar no centro de orixe o modelo normalizado que se publica como anexo I” (formulario normalizado ED550A)

Tamén se poderá cumprimentar a reserva través da aplicación admisionalumnado: https://www.edu.xunta.es/admisionalumnado/  que deberán entregar posteriormente na Secretaría deste centro.

A reserva tamén se poderá formalizar na Sede Electrónica con certificado dixital ou a Chave365: https://sede.xunta.gal/portada e neste caso xa non é preciso a entrega en papel na Secretaría do centro.

Aquelas familias do alumnado de 4º curso de ESO que desexen efectuar a reserva de praza para o vindeiro curso no IES Isaac Díaz Pardo de Sada deberán formalizar a reserva de praza . O prazo de presentación da reserva de praza será do 1 ao 15 de febreiro.

A reserva adquirirá carácter vinculante e será incompatible coa presentación de solicitude de admisión noutro centro, salvo renuncia expresa e por escrito presentada no centro de adscrición antes do inicio do prazo de presentación de solicitudes de admisión.

Entre o 1 e o 20 de marzo de 2019:

ADMISIÓN

As solicitudes de admisión presentaranse:

• mediante o formulario normalizado a través da aplicación de xestión do proceso «admisionalumnado»,
• no centro docente indicado como primeira opción e, ademais, en calquera dos lugares e rexistros establecidos na normativa reguladora do procedemento administrativo común utilizando o formulario normalizado. Modelo solicitude admisión (ED550B) 

O pasado venres 8 de febreiro o alumnado de 4º de ESO visitou o IES Isaac Díaz Pardo de Sada para ver as instalacións do que, na maioría dos casos, será o seu novo centro educativo o vindeiro curso.

                      Hoxe visitou o noso centro Andrea Maceiras, autora do libro O que sei do silencio , lido polo alumnado de 3º e 4º de ESO este trimestre. Andrea falounos do proceso da escrita e conversamos con ela sobre o acoso escolar , que é o tema central do libro . Ao final asinou exemplares dos seus libros a todos o que llo pediron.

Hoxe viñeron á Esperela Serafín e Sabela, dous talentosos ex alumnos do noso insti que falaron co alumnado de 4º ESO da súa traxectoria persoal e profesional e compartiron as súas lembranzas e arelas.

Samoa Pan, de 2º ESO B levou hoxe o premio do concurso de micorrelatos "Amor? Amor! en 100 palabras", que organiza A Esperela, cun relato titulado "Aviones de papel"

 Convocadas axudas, en réxime de concorrencia competitiva, para realizar as actividades de formación, dirixidas á mellora das competencias en linguas estranxeiras do alumnado de ESO dos centros docentes sostidos con fondos públicos en Galicia, durante o ano 2019.

O alumnado e familias interesandas na participación nesta convocatoria de axudas pode informarse no seguinte enderezo web:

http://www.edu.xunta.es/axudasle

FESTA DE ENTROIDO NO NOSO CENTRO

O venres 1 de marzo celebramos a tradicional festa de entroido no noso centro, onde terán lugar espectaculares actuacións a cargo do alumnado e tamén do profesorado.  

Ademais, vai haber diferentes concursos, de comparsas e de sobremesas de entroido e moitas máis sorpresas.

Convidamos a toda a comunidade educativa á nosa festa e a participar activamente nela.

Non vola perdades

Apertura do proceso de admisión do 1 ao 20 de marzo para alumnado de nova incorporación ao centro.

Adxúntase documentación para ampliar a información.