O pasado luns 17 de abril visitáronnos as técnicas da Oficina de Medio Ambiente da Universidade da Coruña para traballar co alumnado de 4º de ESO os efectos e as repercusións da nosa pegada ecolóxica.
Aprendemos a calcular a nosa pegada enerxética mediante a introdución de datos específicos,
reflectidos na factura da luz, na aplicación pública e gratuíta que a UDC ten a disposición dos
seus usuarios á que poderedes acceder a través da seguinte ligazón.
Esta actividade forma parte do desenvolvemento do proxecto da UDC e Fundación ALCOA:
Mariña ambiental, no que o noso centro participa este curso.