IES Lamas de Abade

Este luns 18 de febreiro realizarase no Lamas de Abade unha nova actividade de sensibilización coa Seguridade Viaria impartida pola Policía Local de Santiago para o alumnado de 3º ESO A e B no Salón de Actos desde as 10:00 ata as 11:30. 

Xa o mes pasado, na primeira visita da Policía Local ao Centro, fixemos unha presentación dos obxectivos que se querían acadar con esta actividade. Se queres máis información pulsa aquí. 

Fotografía do 2º Curso do Ciclo Superior de Próteses Dentais, coa compaña de Montserrat Pereira e Ana Belén Gómez, visitando o Laboratorio Elidente

Pulsando no adxunto accedes ao programa

Compartimos fotografía dos e das admirables participantes na reunión do Grupo de Convivencia do IES Lamas de Abade o pasado venres 1 de febreiro deste 2019 nunha intensa xornada de traballo e formación. Nótase con claridade que traballar pola convivencia produce inmensa ledicia. Agradecémosvos a dedicación en favor do benestar do Instituto.

O venres día 8 o 2º Curso do Ciclo Superior de Próteses Dentais, acompañados por Montserrat Pereira e Ana Belén Gómez, visitarán o Laboratorio Elidente entre as 10:30 e as 12:30 da mañá. 

Orgullosos estamos de que o noso alumno de 4º da ESO Marcos Vaamonde teña sido seleccionado cunha bolsa da Fundación Amancio Ortega para poder cursar o 1º de Bacharelato en EEUU. Tendo en conta que o nivel de idiomas é aspecto determinante na concesión da bolsa, dende o Departamento de Inglés queren transmitirlle unha mensaxe especial:

"Congratulations Marcos! The English Department would like to congratulate you on having been awarded a scholarship to spend school year studying in Canada or USA. We wish you the best of luck. We’re sure we’ll miss you.! "

E, por suposto, xa en galego, tampouco poden faltar os parabéns de todo o Instituto.

O debate desenvolvido con Teresa Moure o pasado xoves 24 de xaneiro de 2019 por parte do alumnado do Club de Lectura "O Scriptorium do Abade" resultou absolutamente proveitoso. Compartimos cos lectores e lectoras da nosa web o álbum de fotografías da actividade

               Todos quedamos estupefactos cando o pasado luns o DOUTOR SUÁREZ QUINTANILLA afirmounos isto con rotundidade, dicíndonos ademais que caer ben é un complexo proceso bioquímico activado polos nosos ollos, mans e pelo. Por iso, a ESTÉTICA é un dos empregos máis seguros nos próximos 20 anos.

               Enriba resulta que os DENTES non pintan nada neste proceso, estando valorados en exceso nas nosas relacións persoais. Non por arranxar a nosa dentadura imos ter máis aceptación social.

                Tom Cruise arranxouse toda a boca, pero xa triunfara antes. O seu éxito non está relacionado cos seus dentes.

  TOM CRUISE ANTES E DESPOIS DO  ARRANXE DOS SEUS DENTES

Pulsando AQUÍ accedes a un resumo desta interesante conferencia organizada polo Departamento de FOL

O vindeiro luns 21 de xaneiro o Departamento de Imaxe Persoal ten programado unha actividade desas que producen envexa nada máis oír falar delas. Montse Veiras, unha das mellores profesionais do Ramo da Estética e Benestar, procederá a facer unha "Demostración de Masaxe con Pedras Quentes". A actividade terá un horario de 9:00 a 11:30 e será realizada para 1º e 2º ciclo de Estética e Benestar no Taller 2 de Estética. Os profesores afectados pola actividade son Isabel Rodríguez (organizadora do evento) e María Victoria Nores. Un quédase coa inquedanza de saber se aceptarán voluntarios para a demostración...

Co obxectivo de fomentar a lectura e propiciar un enriquecedor debate cunha autora recoñecida no mundo das letras, o alumnado do Club de Lectura do Instituto terá un encontro literario coa coñecida escritora Teresa Moure o vindeiro 24 de xaneiro de 2019 na hora posterior ao recreo (11:50 a 12:40). Os cursos nos que se encadra este alumnado son o 3º e 4º da ESO e o 1º de Bacharelato de Ciencias Sociais e Humanidades (afectando polo tanto ás clases que deberían ter nese horario). De seguro será unha grande experiencia :)