IES Lamas de Abade

Tres alumnas da materia Cinema e literatura galega (Ainhoa Caamaño, Elisa Nieves e Xiana Villaverde) acaban de presentar a curtametraxe Memorandum ó Premio Alice Guy-Blaché (primeira muller en explorar o cinematógrafo  como canle  privilexiada para contar historias)  convocado pola Consellería de Educación, Universidade e Formación Profesional.

A convocatoria leva por lema Facemos historia pola igualdade, e con esa intención Memorandum plasma en tres escenas cotiás de tres mulleres galegas, anónimas e nunca recoñecidas, a coraxe coa que, caladamente, loitaron pola igualdade e reivindicaron o seu lugar na familia e na sociedade. Memorandum é unha cinta baseada na realidade matriarcal de Galicia, é unha homenaxe á muller rural galega, nunca valorada pero sempre poderosa.

Non obstante, a curtametraxe só é a síntese final dunha inmensa tarefa. Por iso compartimos con vós os materiais cos que poderedes comprobar o inmenso esforzo desenvolvido na realización deste traballo. Pulsade en cada imaxe para acceder ao material: 

                            Guión                      Diario de Rodaxe                          Folleto

E finalmente compartimos o Álbum co cartaz, curtametraxe e "making of" da rodaxe:

Unha nova edición do Congreso da ENCIGA (Asociación de Ensinantes de Ciencias de Galicia) na que o noso alumnado aportará de novo un relatorio de grande interese.

O XXXII Congreso está a celebrarse dende hoxe no IES María Sarmiento de Viveiro. Nesta ocasión a conferencia que presentarán Rita Domínguez e Sergio Dacal do 1º de Bacharelato do IES Lamas e Abade, acompañados polo profesor de Física e Química José Manuel Facal, estuda un curioso e complexo acontecemento aeronáutico que desenvolven baixo o título "El despegue que nunca existió". Prometen remitir fotografías do evento. Moita sorte co relatorio!!

Compartimos tamén o link co programa do Congreso

O Doutor Anxo Carracedo é, entre outros méritos e títulos, Catedrático da USC, Director Executivo da Fundación Galega de Medicina Xenómica, Director do Centro Nacional de Xenotipado, Coordinador do Grupo de Medicina Xenómica, representante de España na Axencia Europea do Medicamento ou Editor da revista Forensic ScienceInternational Genetics.

Estes son algúns dos avais dun dos científicos máis importantes da actualidade. Investigador e experto internacional en Xenética que, por riba, sempre ten un pouco do seu tempo dispoñible para actividades de difusión. 

Por iso poderemos gozar da súa presenza o día 22 de novembro cunha conferencia titulada "Presente e Futuro da Medicina Xenómica" no Salón de Actos do IES Lamas de Abade xusto ao rematar o recreo (12:00 horas).

Falar de Suso de Toro é falar de Literatura Galega con maiúsculas, pero tamén destaca polos seus traballos en teatro, televisión, cinematografía, xornalismo e polo seu compromiso político. 

Por todo isto Suso de Toro será o convidado para unha charla na Biblioteca do Lamas o próximo 7 de novembro da que gozará o alumnado dos cursos de 1º e 2º de Bacharelato das materias de "narrativas cinematográficas" e "Cinema e Literatura galegos". A actividade está programada para comezar ás 12:00

Máis información e fotografías da actividade no Instagram da Biblioteca  

O martes 22 de outubro, tal e como avisamos nos eventos da nosa web, o alumnado do Ciclo formativo de grao medio de Coidados Auxiliares de Enfermaría acudiu a unha actividade enmarcada no programa Rede Paraugas Alzhéimer 4.0 da Federación Alzhéimer Galicia e a Fundación Barrié.

A actividade, que se divide en tres etapas, dou comezo cunha charla impartida polo neurobiólogo e investigador Carlos Spuch, que acercou ao alumnado do centro a realidade dos enfermos de Alzhéimer e a situación actual da investigación nesta patoloxía.

Esta actividade continuará ao longo deste trimestre con dúas etapas máis, unha de sensibilización na aula, na que un profesional da asociación AGADEA Alzhémer acudirá ao cento educativo a relatar a súa labor dentro da asociación, e unha derradeira etapa na que o alumnado visitará as instalacións dun centro de atención a persoas con demencia.

De momento compartimos con vós o álbum de fotografías da conferencia con Carlos Spuch

A prestixiosa marca de cosmética Avène con sede en París, responsable do desenvolvemento de multitudes de cremas, augas micelares e produtos de maquillaxe entre outros moitos, impartirá no Lamas de Abade unha charla sobre o Acné.

O alumnado que asistirá a esta charla será o matriculado nos cursos de 1º e 2º de FAEPA-B. A charla será impartida o vindeiro luns 11 de novembro en horario de tarde dende as 16:00 horas

O Departamento de Inglés, con motivo da celebración de Halloween, ten organizado un concurso de figuras nas que a temática estaba centrada, preferentemente, na realización dun "pumpkin" inspirado nalgún animal. igual que en anos anteriores o resultado está cheo de imaxinación e creatividade. Pronto coñeceremos os galardóns. De momento teredes que conformarvos co álbum compartido da actividade 

As tebras presidiron hoxe a recepción do alumnado no IES Lamas de Abade. Tumbas na entrada, candeas alumeando unha atmosfera chea de medo, teas de araña que medraron en proporcións desorbitadas durante a noite, esqueletos encargados de vixiar os libros da Biblioteca ou pantasmas por diversos recunchos silandeiros estratexicamente situados que asustaron a moitos durante toda a xornada.

Compartimos álbum destes terroríficos acontecementos.

E parabéns para o profesorado, persoal do centro e alumnado implicado na organización do evento.

O Departamento de Orientación ten organizado un programa de actividades pensando na celebración do "día contra a Violencia de Xénero" que se celebrará o 25 de novembro.

Neste contexto a primeira das actividades programadas será esta conferencia titulada "Medrando en Igualdade" que se impartirá o 7 de novembro no Salón de Actos. O alumnado de 1º da ESO asistirá entre as 12:45 e as 13:35, e o alumnado de 2º da ESO asistirá entre as 13:35 e as 14:25.