O martes día 3 de maio de 2016 teremos unha charla informativa impartida por un enxeñeiro informático para explicarlles aos alumn@s a  utilización responsable e segura de internet.

Os alumnos de 1º e 2º da ESO asistirán en horario de 11,55 ata 12,45h.

A Concellaría de Obradoiros sociais, voluntariado e mocidade e infancia do Concello de Bueu  organiza no noso centro uns obradoiros sobre drogodependencias dirixido ao alumnado de 2º, 3º 3 4º de ESO.

A psicóloga Amalia Piedras impartirá as charlas durante varias sesións cunha duración de 2 horas por grupo.

RISCOS DE INTERNET

A maioría dos adolescentes que fan uso das novas tecnoloxías non son consciente dos riscos que conlevan.

O vindeiro luns 11 de Abril, en horario de 10:00 a 11:25 h, terá lugar unha charla impartida por membros de Garda Civil, para o alumnado de 1º e 2º da ESO, sobre as novas tecnoloxías, os riscos de internet e o acoso escolar a través das mesmas.

X Concurso de viñeta e ilustración "A igualdade no traballo"

Co gallo da conmemoración do día 8 de marzo, Día Internaciónal da Muller. O Centro de Información ás Mulleres do concello de Bueu, convocou entre o alumnado do  3º ciclo de Educación Primaria, ESO e Bacharelato, o X concurso de viñeta e ilustración baixo a temática “A IGUALDADE NO TRABALLO”. O obxectivo é sensibilizar ao alumnado acerca da situación laboral da muller.

Entre os alumnos/as premiados tivo unha mención especial a alumna Marta Vidal Entenza, que cursa 1º ESO.

Este ano ademais tocoulle ao noso centro inaugurar o acto celebrado no Centro Social do Mar e para tal motivo alumnos/as de 1º de ESO fixeron unha representacion sobre esta temática. Foi todo un éxito e recibiron os alagos de tódolos asistentes.

TALLERES SOBRE PREVENCIÓN DE DROGAS

O mércores 13 de Xaneiro comezarán no noso centro os talleres sobre prevención de drogas. Serán un total de cinco talleres, un á semana,  dirixidos ao alumnado de 1º de ESO e impartidos pola Asociación Rexurdir.

A través dos mesmos preténdese facer reflexionar ao alumnado sobre o concepto que teñen das drogas, aclarar as dúbidas ao respecto, estimular a súa capacidade crítica, que sexan conscientes da influencia da presión social...coa finalidade de desenvolver a capacidade de tomar decisións de forma autónoma e introducilos nas técnicas de persuasión para evitar situacións de risco coas que non estén de acordo.

CHARLA PREVENCIÓN DA VIOLENCIA DE XÉNERO

O xoves, 17 de decembro teremos no centro unha charla impartida pola Garda Civil, sobre a violencia de xénero.

Terá lugar no salón de actos e asistirá todo o alumnado da ESO.

De 9:40 a 11:25        1º e 2º da ESO.

De 11:55 a 13:35      3º e 4º da ESO.

XORNADA DE PORTAS ABERTAS

O luns 1 de xuño temos a xornada de portas abertas co alumnado de 6º de Educación Primaria que cursará, o vindeiro curso 2015/2016, 1º de ESO no noso centro. Recibimos, acompañados das súas titoras, ou nalgúns casos das familias,  alumnos/as dos CEIPs adscritos; de Cela e Beluso, así coma alumnos/as do CEIP A Pedra e o CEIP de Ardán. Actuaron como guías catro alumnos/as do noso centro de 1º de ESO que foron os encargados de amosarllo.

Pola tarde, ás 17:45h, serán recibidas ás familias.

Vémonos en Setembro¡¡¡¡

VISITA IES DA ZONA

O pasado martes 21 de Abril visitamos co alumnado de 4º de ESO e 3º de PDC o  IES de Rodeira(Cangas) e o IES A Paralaia (Moaña). Alí vimos os talleres onde se levan a cabo os seus Ciclos Formativos e tanto o profesorado como o alumnado que os cursa nos explicaron detidamente en que consiste o seu traballo. Nos queda pendente a visita ao IES Johan Carballeira.

CICLO MEDIO DE INSTALACIÓNS DE TELECOMUNICACIÓNS (IES RODEIRA)

CICLO SUPERIOR DE ADMINISTRACIÓN DE SISTEMAS INFORMÁTICOS EN REDE (RODEIRA)

CICLO MEDIO DE MECANIZADO (IES A PARALAIA)

CICLO MEDIO DE INSTALACIÓNS ELÉCTRICAS E AUTOMÁTICAS (A PARALAIA)