Xa podedes consultar a listaxe provisional de alumnado seleccionado para as bolsas Erasmus+ para Ciclos superiores, así como a listaxe de agarda.

Parabéns a tódalas persoas seleccionadas! E as que quedaron en listaxe de agarda que non se desanimen, que sempre hai baixas, renuncias, etc. Aínda poden ter sorte.

O pasado venres día 20 de xaneiro, o alumnado de 2º curso do ciclo superior de Xestión de Vendas e Espazos Comerciais e de 1º e 2º curso do ciclo superior de Comercio Internacional do IES A Guía, tiveron a ocasión de asistir a unha charla impartida por un consultor en BtrueB e ex-director de márketing en Veka e grupo FINSA. Dende o IES A Guía queremos agradecer a súa presenza no noso centro.

O pasado mércores día 18 de xaneiro o alumnado de 2º curso do ciclo superior de Acondicionamento Físico do IES A Guía visitaron o centro de crossfit Centaurus para realizar unha sesión práctica. Dende o IES A Guía queremos agradecer a súa colaboración para a formación do noso alumnado.

O pasado luns día 16 de xaneiro tivo lugar unha nova edición do club de ciencia do IES A Guía. Nesta ocasión o alumnado participante levou a cabo unha análise da calidade de distintas mostras de auga, determinando o pH, a presenza de cloruros e de microorganismos grazas ao proxecto "a caixa sostible", cofinanciado pola Fundación Española para a Ciencia e a Tecnoloxía (FECYT) do Ministerio de Ciencia e Innovación, a Escola de Enxeñería de Minas e Enerxía, o Consello Social da Universidade de Vigo e o Colexio Oficial de Enxeñeiros de Minas do Noroeste de España. Nas seguintes imaxes podedes ver o proceso de análise de microorganismos e as caixas petri cos diferentes cultivos: