Rematado o prazo de reclamacións e resolta a única reclamación interposta, publícase a listaxe definitiva de alumnado seleccionado para a realización de mobilidades ERASMUS+ así como a listaxe de agarda.

Podedes consultalas aquí

O pasado mércores día 1 de Febreiro, o alumnado do ciclo superior de Transporte e Loxística do IES A Guía tivo a oportunidade de visitar varias terminais do Porto de Vigo. Durante a visita, o alumnado puido asistir en directo a algunha operación de carga e descarga, coñecer as características que fan do Porto de Vigo un dos portos de interés xeral do Estado. Dende o IES A Guía queremos agradecer ao noso alumno Iván e á Autoridade Portuaria o facer posible a visita e, de xeito especial, a David polo excelente trato que nos brindou, ademais das explicacións e aclaracións a cantas dúbidas tivemos. Moitas grazas!

O pasado luns día 30 de Febreiro, tivo lugar o primeiro encontro do grupo de mediación do IES A Guía. Nesta primeira xuntanza, o futuro alumnado mediador e o antigo tiveron a ocasión de coñecerse e compartir experiencias acontecidas en cursos anteriores. Ademais, marcáronse os obxectivos a perseguir no presente curso e debuxouse o camiño a seguir para poder acadalos.

O pasado venres 27 de Xaneiro, o alumnado voluntario do IES A Guía visitou a Escola de Educación Infantil Monte da Guía para realizar unha actividade de contacontos cos máis pequenos. Unha experiencia moi enriquecedora para ambos centros :)