Este ano cúmprense 60 anos do pasamento dun dos xornalistas máis importantes do país, Julio Camba. O alumnado de 3º e 4º asistíu á proxección dun documental sobre a súa infancia e xuventude en Vilanova dirixido polo tamén xornalista Aser Álvarez. O cronista oficial de Vilanova, Benito Leiro, contounos anécdotas e aventuras moi interesantes da súa vida. Sabiades que embarcou de polisón para a Arxentina con 16 anos? Parabéns a Enma e Érika, pola súa iniciativa ao saír voluntarias para lernos a todos algúns fragmentos dos escritos de Julio Camba.

O venres 11 de febreiro conmemoramos o Día da muller e da nena na ciencia convidando á oceanógrafa e profesora da Universidade de Vigo, Paula Diz, para que viñera a falarnos do seu traballo como investigadora mariña. Sabiades que foi a única científica española entre unha trintena de científicos internacionais que participou na expedición ao rift de Corinto a bordo do barco Synergy Fugro? Nesta ligazón podedes ler toda a información sobre a expedición. A súa misión era explorar os sedimentos e rochas do fondo mariño do rift. O alumnado de 1º e 4º escoitouna con moito interese. Ben seguro que algunha vocación espertou. (As fotos da charla están nesta ligazón)

Falta pouco para San Valentín. O Equipo de Dinamización da Lingua Galega, xunto coa Biblioteca e os departamentos de Linguas, anímavos a participar no concurso Ama coa Lingua. Aquí tedes as bases e os premios. E non o esquezas: Deixa que o teu corazón fale sen fronteiras!