O alumnado de 1ºESO desprazouse ata Nantes (Sanxenxo), onde puideron gozar dunha xornada de deportes tradicionais galegos como os bolos, a chave, a petanca e a billarda. O noso IES, a través do Departamento de Eucación Física, está a participar no Plan Xogade da Xunta de Galiza. Kito Parada agarda que no mes de maio o alumnado de 1º poida iniciarse na práctica de vela. Este tipo de actividades son de moita axuda para o departamento de Eucación Física, xa que lle dan a oportunidade aos nosos rapaces e rapazas de achegarse a disciplinas deportivas que son de difícil acceso na nosa vila.

Os mozos e mozas do Club de Radio visitaron hoxe os estudos de Radio Arosa Cadena Ser, en Vilagarcía de Arousa. Quedamos moi agradecidos a Montse García, locutora e presentadora da cadea, que nos fixo de guía pola emisora e nos explicou o seu funcionamento. Ademais, realizoulles unha entrevista aos membros do club: Aroa, Rita, Mateo, Adriana, Manuel e Iria, que se emitirá proximamente nun dos programas da emisora. Quen sabe se con esta visita non espertou algunha vocación no mundo da comunicación, e xa temos entre nós ás futuras estrelas da radio!

Un ano máis celebramos a tradición do magosto no noso IES. Tivemos o a tradicional chuvia ☔ , as tradicionais castañas, os tradicionais partidos de brilé e unha visita pouco tradicional pero moi especial: invitados polo equipo de dinamización da lingua galega @verbasdofaro, os pequeniños e pequeniñas da @escoladearalde achegáronse ata o centro e foron recibidos polos seus padriños e madriñas, que lles leron uns contos galegos moi chulos, lles ofreceron unha merenda e lles ensinaron uns xogos tradicionais ben divertidos.

Podedes ver todas as fotos neste álbum.

Magosto 23 de Across