A estas alturas non quedará ninguén que non vise o vídeo dos 1000 escolares que cantaron en Navantia coa cantante Guadi Galego, non si?
Pois aló estivo o IES Canido, tras o traballo coral que fixeron as semanas previas os nosos alumnos xunto coas profesoras de Música, Cristina e máis Encina. Podedes ver a delegación canidense en Navantia:
Velaquí toda a nosa delegación con Guadi Galego:
E a nosa localización, xunto aos demais institutos de secundaria participantes:
A actividade, organizada polo Centro de Formación e Recursos de Ferrol para celebrar o Día das Letras Galegas e tamén para reivindicar o estudo da Música nos centros educativos, supuxo unha experiencia ben fermosa para todo o alumnado implicado así como para os profesores que tiveron a sorte de participar.
O pasado martes o alumnado de Música conmemorou o Día de Europa cun pequeno concerto dirixido polas súas profesoras, Encina e Cristina. O tema estrela foi, como non podía ser doutro xeito, o Himno Europeo, Oda á Alegría, composto por Beethoven en 1824.
Aproveitamos tamén o Día de Europa para comprobar coñecementos do noso alumnado. No xogo de bandeiras organizado había un par de trampas, que só os máis avezados evitaron.
Alumnos de 4º de ESO A do noso centro fixeron o Roteiro dos Muíños polo val de Esmelle como premio ao seu traballo na I Lonxa Xuvenil do Concello de Ferrol.
