AVISO IMPORTANTE ADMISIÓN
As solicitudes de admisión para os cursos 1º, 3º e 4º da ESO e 2º de BAC non precisan de baremación, polo que non terán que achegar documentación adicional.
BAREMACIÓN DE SOLICITUDES DE ADMISIÓN 2º ESO E 1º BAC. DOCUMENTACIÓN A PRESENTAR.
De acordo coas instrucións da Dirección Xeral de Centros e Recursos Humanos sobre o proceso de admisión de alumnado en centros sostidos con fondos públicos para o curso académico 2018/2019, e debido a que a demanda de prazas é superior a oferta nos cursos de 2º DE ESO e 1º DE BACHARELATO, ábrese o prazo de 10 DÍAS HÁBILES ( 23 DE MARZO A 9 DE ABRIL, AMBOS OS DOUS INCLUSIVE) para presentar de forma presencial no centro a documentación xustificativa dos criterios xerais de admisión alegados pola persoa solicitante.
Deberán aportar documentación acreditativa de:
- Proximidade do centro ao domicilio familiar: Certificación do padrón municipal da unidade familiar.
- Valoración da renda per cápita da unidade familiar: Declaración do IRPF do ano 2016. Cando non presentase a declaración do IRPF, Certificación da AEAT (Facenda) onde consten os ingresos.
- Certificados de discapacidade (superior ao 33%) do alumnado, proxenitores, titores ou irmáns recoñecida pola Xunta de Galicia, no seu caso.
- Documento acreditativo da condición de familia numerosa.
- Condición de familia monoparental.
- Nota media obtida no 3º curso da ESO (para solicitudes de Bacharelato).
