Con certo atraso debido a problemas técnicos compartimos imaxes da actividade de introdución á capoeira que tivo lugar no ximnasio do noso centro e na que participou o alumnado de 2º de ESO.

O alumno de 2º ESO B Sergio Pérez González foi un dos gañadores este ano da fase rexional do "Concurso de jóvenes talentos de relato corto" de Coca Cola. O venres 25 de maio, na gala de entrega de premios, saberemos se será tamén o representante da nosa comunidade na fase nacional. Desexámoslle de novo moita sorte!

Nesta cuarta edición do certame que premia os mellores textos inéditos, microrrelatos, micropoesías e microteatro, Sara Romaní Yáñez, alumna nosa de 4º de ESO, obtivo o 1º premio na categoría C(2º ciclo de secundaria) co seu relato Un enorme río delas.

O sábado 28 de abril, nun acto que tivo lugar na capela do Centro Cultural Torrente Ballester, o alcalde e o concelleiro de Normalización Lingüística entregáronlle o galardón.

Os nosos parabéns a Sara, que aparece na foto a segunda pola dereita.

Máis información, no Diario de Ferrol.