• Día 24 e 25 de xuño: alumnado 1º ESO
• Día 26 e 27 de xuño: alumnado 2º BAC
• Día 27 e 28 de xuño: alumnado 1º BAC 
• Día 1 e 2 de xullo: alumnado 4º ESO 
• Día 3, 4 e 5 de xullo: alumnado 3º ESO e  2º ESO

O día 8 de xullo resérvanse para os casos nos que houbese algún impedimento para facela no día asigando. Por favor, descarguen os impresos e tráianos, cubertos e asinados polos 2 proxenitores.

Se desexan asinar con sinatura dixital e cubrir online, poden enviar toda a documentación ao correo: ies.brion@edu.xunta.es indicando no asunto : matricula_nome do alumno/a_curso no que se matricula.

AVISO 1: recoméndase traer unha fotocopia do impreso de matrícula, unha vez cuberto. No caso de necesitar fotocopias deste ou outros documentos, pasen por conserxería facelos antes de dirixirse á oficina.

AVISO 2: prégase ao alumnado dos cursos superiores (de 2º en diante) que no correo do alumno/a poñan a súa conta de correo iesbrion (.....@iesbrion.com). O de 1º ESO que non poña ningún e xa se lle fará esa conta iniciado o curso.

IMPRESOS POR CURSOS NOS SEGUINTES ENLACES:

• ENTREGA DE NOTAS: 27 de xuño de 11:00h ás 12:00 h
• RECLAMACIÓNS ANTE DIRECCIÓN: 28 de xuño e 1 de xullo
• COMUNICACIÓN ACORDOS RECLAMACIÓNS: 3 de xullo
• RECLAMACIÓN ANTE XEFATURA TERRITORIAL: 4 e 5 de xullo

AVISO IMPORTANTE PARA 27 DE XUÑO DÍA DA ENTREGA DE NOTAS:

O xoves 27 de xuño é o día de entrega de notas e recollida de material prestado (libros, ordenadores E-Dixgal con fundas e cargadores, e préstamos da biblioteca). Todo o alumado da ESO deberá estar no centro dende ÁS 11:00 ATA AS 12:00 DA MAÑÁ E TRAER O SEGUINTE:

1) O alumnado que levou ordenadores E-Dixgal para casa deberá entregalos dentro da súa funda e co seu cargador. TODO ten que estar debidamente identificado: ordenador, cargador e maletín.

2) Libros de 1ºESO e 3ºESO prestados polo centro. Cada alumna e alumno deixará os seus libros enriba da súa mesa, indentificados cos seus datos nun folio. Non é necesario deixalos nunha bolsa.

3) Préstamos da biblioteca, podedes pasar pola biblioteca antes ou despois de ir ás aulas para devolver libros e demáis materiais que aínda teñades en préstamo.

PETICIÓN DE LIBROS DE TEXTO PARA O FONDO SOLIDARIO: Dende que temos E-Dixgal nos catro cursos da ESO, deixou de existir un fondo de libros. Aínda así, non todas as materias se acollen a E-Dixgal e comprendemos a dificultade que pode supoñer ter que mercar algúns libros agora que está LOMLOE implantada en toda a ESO e Bacharelato, e os poucos libros que quedaban no noso fondo quedaron obsoletos. Dende a ANPA e a Dirección, gustaríanos animarvos a todas as familias para ir construindo un fondo solidario con todos aqueles libros mercados por vós que estedes dispostos a donar, polo que recibiremos encantadas calquera libro de texto que queirades donar. Podedes deixalos enriba das vosas mesas o día da entrega de notas, ou traelos polo centro ata o 15 de xullo.

Prazo de solicitude:     do 20/5/2023 a 21/6/2023, incluídos

Texto da convocatoria:   ORDE do 10 de maio de 2023 (DOG do 19 de maio)

Procedemento administrativo:     ED330B

Beneficiarios/as.-

     -Axudas para material escolar: alumnado matriculado en ESO.

     -Fondo solidario de libros:  o noso centro está incluído no proxecto educación dixital (EDIXGAL) no curso 2023/24 polo que está excluído da participación no fondo solidario de libros de texto e das axudas para adquirir libros de texto. Non obstante, poderán solicitar a axuda para adquirir material escolar cando reúnan os requisitos establecidos na orde.

Documentación necesaria.-

 -Impreso de solicitude ED330B (Anexos I e II): (xúntase impreso solicitude pdf e instrucións para cubrila)

 -Copia de documento que acredite a unidade familiar (31 de decembro de 2022): Libro de familia, sentenza de divorcio/convenio regulador, ou no seu defecto certificado de convivencia expedido polo Concello correspondente.

A data do 31 de decembro de 2022 poderá seroutra, cando unha sentencia de separación ou divorcio sexa posterior a dita data atribúa a custodia a un dos dous proxenitores e nos casos de violencia de xénero, nos que se aplicará o disposto na lexislación específica.

 -Se é o caso: Certificado do grao de discapacidade do alumno ou calquera membro da familia non expedido pola Administración autonómica. Documentación xustificativa de situación de violencia de xénero. Resolución de acollemento de alumnado en situación de tutela da Xunta de Galicia.

Forma de presentación de solicitudes.

• Electrónica: utilice a aplicación FONDO LIBROS e presente solicitude na SEDE ELECTRÓNICA  (inicie premendo no icono de botón na esquina superior dereita da pantalla da aplicación Fondo Libros)

           NOTA: na presentación electrónica deberá presentar unha solicitude individual para cada un dos seus fillos

• Presencial con asistencia da aplicación : cubra os datos  na aplicación FONDO LIBROS  imprima os Anexos I e II producidos e presenteos no centro educativo (inicie premendo no icono de botón na esquina superior dereita da pantalla)

• Presencial manual: utilice os Anexo I e Anexo II da Orde da convocatoria e presenteos no centro educativo

O alumnado que non estea admitido nin coñeza en que centro vai estar escolarizado no curso escolar 2024-2025, deberá presentar a solicitude no centro no que está matriculado no curso 2023-2024.

As solicitudes por incorporación ao centro educativo fóra do prazo establecido poderán presentarse unicamente de xeito presencial no propio centro, ata o 31/3/2025.

  Alumnado con necesidade específicas de apoio educativo.

Ao alumnado con necesidades específicas de apoio educativo matriculado en  1º, 2º 3º e 4º da ESO que, a xuízo do centro docente, non poida usar os libros de texto ou o material dixital do curso no que estea matriculado e para o que non existan libros adecuados no fondo solidario en ningún curso, o centro expediralle un vale co que poderá adquirir os libros ou o material didáctico e complementario específico que o centro docente determine en cada caso, polos importes establecidos no artigo 2.2.d) da convocatoria. Esta situación deberá acreditarse cun informe do centro onde se xustifique a necesidade de adquirir o material indicado para o alumno e a imposibilidade de empregar os libros de texto do fondo solidario de calquera curso, que debe quedar arquivado xunto coa solicitude.

NOTA IMPORTANTE: Os vales de libros e/ou material deberán levar obrigatoriamente a sinatura e o selo orixinais do centro, incluso no caso de estar asinados electronicamente,