Os departamentos de Tecnoloxía e Bioloxía organizamos a visita ao Parque eólico experimental de Sotavento para o alumnado de 3º de ESO o pasado día 17 de outubro, para o estudo das enerxías renovables e coñecer o funcionamento dunha vivenda bioclimática.

O venres día 13 de xuño ás 19:00 horas terá lugar na aula de usos múltiples do IES de Brión un acto de remate de curso para o alumnado de 2º de Bacharelato e as súas familias.

Tamén están convocados a esta xuntanza os alumnos e alumnas das tres primeiras promocións (2009/10, 2010/11 e 2011/12) de Bacharelato do instituto.

As actividades programadas de conmemoración do día das Letras Galegas, en colaboración co Concello de Brión son:

• "DÚAS LINGUAS, UNHA HISTORIA", o 12 de maio ás 11:15 para 1º de ESO
• "CONTOS LITERARIOS", o 19 de maio, ás 11:20, para 2º de ESO
• "NIMBOS", o 21 de maio, ás 11:20, para 4º de ESO e 1º de Bacharelato

Para máis información sobre as actividades, preme na seguinte ligazón

O IES de Brión acolle desde o 22 de abril ata o 6 de maio a exposición "Sobre Galicia Industrial".

A exposición forma parte do proxecto Intercentros de de educaBarrié do 2013, "Sobre Galicia Industrial" , que xorde a partir da exposición orixinal  da Fundación Barrié  "Galicia Industrial". Galería de imaxes da exposición orixinal. Documental da exposición "Galicia Industrial"

Para máis información sobre o proxecto podes ver o seguinte vídeo:

27 alumnos e alumnas de 4º ESO participan este ano na saída educativa fin de etapa.

Comezaron a súa viaxe o pasado sábado 5 de abril, e voltarán o vindeiro venres 11.

Visitarán Salamanca, Ávila, Toledo e Segovia.

Vista do embalse de Aldeadávila, Aldeadávila de la Ribera, Salamanca. Situado no Parque Natural de Arribes del Duero.

Vista das torres da fachada da Universidad Pontificia de Salamanca dende o patio interior da Casa de las Conchas

Os departamentos de Ciencias da Natureza e Tecnoloxía organizamos na cidade de A Coruña as visitas a:

• Casa das Ciencias

• MUNCYT, Museo Nacional de Ciencia e Tecnoloxía

• Acuario

para o alumnado de 2º de ESO, o martes, 1 de abril do 2014, de 8:30 a 17:55 horas

O alumnado de Ciencias de Bacharelato visita durante esta semana varios centros de investigación do Campus Vida da Universidade de Santiago de Compostela:

• O alumnado de Tecnoloxía Industrial I, o 19 de marzo visita o CITIUS ( Centro Singular de Investigación en Tecnoloxías da Información) e o  CIQUS ( Centro Singular de Investigación en Química Biolóxica e Materiais Moleculares)

• O alumnado de Bioloxía de 1º e 2º de Bacharelato, visita o 21 de marzo o IDIS ( Instituto de Investigación Sanitaria de Santiago de Compostela)

O departamento de Orientación organiza a visita ao CIFP Politécnico de Santiago para coñecer os Ciclos de FP ofertados no centro, para o vindeiro 13 de febreiro do 2014, dentro da Semana de Portas Abertas

Fonte: CIFP Politécnico

Estes días contamos no Instituto coa exposición " EXPO METEORO" unha exposición de meteoroloxía realizada por Meteogalicia, con  paneis onde se explica a diferenza entre tempo e clima, os
factores que determinan o tempo, as magnitudes e aparellos para medilo, a
predición do tempo, as nubes, a lingua relacionada co tempo...

O vindeiro 6 de febreiro Jaime Barreiro Gil, profesor de Historia e Instituciones Económicas da Universidade de Santiago de Compostela,impartirá para o alumnado de 4º de ESO, 1º e 2º de Bacharelato unha conferencia sobre a "ORIXE E CONSECUENCIAS SOCIAIS DA CRISE ECONÓMICA", entre as 11:15 e as 12:05 horas, na aula de usos múltiples do instituto.