Rúa Emilia Pardo Bazán, nº 33, Allariz

ies.allariz@edu.xunta.gal

Contido popular

Título

Resumo

EXCURSION DE 4º ESO E PDCI A PONTEVEDRA-O GROVE

O pasado 28 de maio, o alumnado de 4º de ESO e PDCI puideron disfrutar dun día de excursión en Pontevedra e O Grove.

Visitaron, acompañados das súas profesoras Belén Barril e María Sánchez, o Museo de Pontevedra onde puideron facer un percorrido pola historia de Galicia desde o Paleolítico ata a actualidade. Logo fixeron o "Roteiro de Castelao" pola parte antiga de Pontevedra.

Tiveron un tempo libre para comer e como o tempo acompañaba algúns disfrutaron dun baño nas augas do Grove.

Pola tarde realizaron unha viaxe en catamarán pola Ría de Arousa no que ademais da beleza da paisaxe puideron aprender moitas cousas sobre as técnicas de captura de mexilóns, vieiras, ostras e tamén coñecer as especies de algas que habitan a nosa Ría.

Foi un día inolvidable xa que ademais tiveron un encontro con unha profesora de Lingua Española, Sara, que estivo con eles o ano pasado e á que querían moito.

Un día inesquecible sobre todo para o alumnado de PDCII que tiñan moita ilusión por volver ver a sú extitora.

REUNIÓN DO CLUB DE LECTURA DE PROFESORES

O día 19 de xaneiro, levouse a cabo a 1ª reunión do club de lectura de profesores que se achegaron á obra "Una voz escondida" de Parinoush Saniee.
A reunión fíxose ao redor dun "chocolate" na cafetería "Cándido" de Ourense e a ela asistiron case todos os integrantes do club.
Foi unha tarde moi agradable xa que o libro tratado deu moito de si e tocáronse moitos temas.

CONCURSO "FALANDO DE SOLIDARIEDADE"

O pasado 15 de maio, fíxose entrega en Xunqueira de Ambia dos premios do II Concurso "Falando de Solidariedade".

Do noso centro resultaron gañadores os seguintes alumnos:

1º Ciclo: Francisco Morales Vidal (2º ESO): 1º premio

2º Ciclo: Elisabeth Lorenzo (PDCII): Finalista

Bacharelato:

Eva Quintas (1º Bacharelato): 1º premio

Manuel Fernández (2º Bacharelato): Finalista

ENCONTRO CON RICARDO GÓMEZ

O vindeiro 12 de novembro, o alumnado de 3º e 4º ESO vai poder disfrutar do encontro co escritor Ricardo Gómez, autor de entre outras obras, "El cazador de estrellas" e "Juegos, inocentes juegos", obras de lectura obrigatoria en 3º e 4º de ESO neste 1º trimestre.

QUEDADA LITERARIA IES ALLARIZ CEIP O ROSAL

O día 27 de abril, o alumnado pertencente aoClub de lectura do CEIP O Rosal, viñeron de visita a Allariz.
Pola mañá, puideron coñecer Santa Mariña de Augas Santas.
Pola tarde, visitaron ALLARIZ acompañados do noso alumnado do club de lectura e colaborador da biblioteca e tamén de PMAR, e dos profes, Sergio, Laura e María.
Esta visita foi especial, xa que comezou cunha comida compartida na Acearrica e os guías foron os nosos rapaces que ían interactuando cos visitantes, compartindo poemas e traballos feitos en ambos centros sobre a obra de Manuel María.
Un día inesquecible para os dous centros.
Desde o Rosal enviáronnos 2 vídeos moi fermosos froito da súa estancia en Santa Mariña e Allariz.

Mil grazas aos rapaces e profes que nos acompañaron e nos fixeron disfrutar antes e despois da súa presenza e do seu traballo.

XORNADA DE CONVIVENCIA INTERXERACIONAL

O Concello de Allariz, organiza a comezos de outubro unha Semana dedicada ás Persoas Maiores.
Desde o noso centro levamos participando desde o ano pasado, organizando unha convivencia entre adolescentes e persoas maiores.
A actividade consiste en facer unha "Andaina Interxeracional" ó redor dunha actividade cultural.
Este ano fomos visitar Santa Mariña de Augas Santas e o Castro de Armea.
O alumnado escollido foi o grupo de PMAR (8 rapaces) que pasaron unha xornada de intercambio de experiencias o día 1 de outubro e posteriormente puideron gravar un programa de radio en Radio Allariz.

Foi unha experiencia xenial que esperamos poder repetir.

O NOSO ALUMNADO PARTICIPA NA FESTA DO BOI

Como todos os anos, cando chega a Festa do Boi a Allariz, o alumnado de primaria e secundaria, participa nas diversas actividades de tipo cultural que hai durante a semana da Festa.

Comezan na Procesión do Xan de Arzúa, onde desfilan o gremio dos Xograres e Trobadores, acompañados doutros elementos como a Tarasca...que é levada por rapaces.

Logo o luns faise un "Roteiro histórico do Boi" en clave humorístico.

O mércores, alumnos de primaria e secundaria protagonizan a representación teatral en monicreques da festa, que este ano ademais estivo acompañada dunha "Procesión infantil" con batucada.

O xoves o maiores axudan aos maís novos a atopar pistas no xogo do "Pista Boi".

Ademais, este ano algúns alumnos de bacharelato, 4º e 3ª ESO acudiron ás Tertulias Literarias en galego sobre o libro de Berta Dávila, "O derradeiro libro de Emma Olsen", e deixaron a súa pegada na cidade, xa que amosaron que o gusto pola lectura pode ir unido ao gusto pola festa e a tradición.

PRESENTACIÓN DO CALENDARIO SOLIDARIO AXUNICA

Como tódolos anos, o alumnado de 1º ciclo da ESO participou na elaboración do CALENDARIO SOLIDARIO AXUNICA, guiados pola nosa compañeira Olga, que desde hai 30 anos colabora cos seus alumnos nesta causa.
O debuxo elixido do noso centro foi realizado por un alumno de PDCII, IÑAKI RIVERO.
Este ano ademais dedícase a "Manuel María", autor homenaxedado nas Letras Galegas e que aparece tamén no calendario.
Quíxose lembrar tamén o desastre ocorrido en Francia, cunha imaxe en homenaxe ás víctimas.
Desde a Biblioteca queremos felicitar tanto ao alumnado coma o profesorado que colabora neste proxecto polo seu traballo e dedicación.

Grazas a todos aqueles alumnos que se comprometen a vender o calendario para recadar fondos para esta causa.

EXPOSICIÓN DE LITERATURA FANTÁSTICA NA BIBLIOTECA E NOS CORREDORES DO CENTRO

Durante o mes de novembro, haberá unha EXPOSICIÓN SOBRE LITERATURA FANTÁSTICA EN GALEGO, nos corredores do centro (paneis onde se dá información sobre o nacemento e evolución do xénero) e na BIBLIOTECA (exposición de libros de literatura fantástica en galego publicados pola editorial URCO).

8 MARZO "DÍA DA MULLER TRABALLADORA"

Para conmemorar este día, desde a Biblioteca, en coordinación cos departamentos de Linguas, proxectouse durante os 2 recreos un documental que foi rodado en Allariz que leva por título POLAS BRAVAS ,protagonizado por 6 mulleres da nosa zona que fan do "rural" o seu modo de vida.

Ademais e dentro do Proxecto que estamos levando a cabo desde a Biblioteca "Falando de Solidariedade" quixemos rendirlle unha homenaxe a unha muller que está realizando un gran traballo en Nicaragua coa que leva colaborando o noso centro desde hai anos a través do CALENDARIO SOLIDARIO e á que o Concello de Lugo lle concedeu este ano o premio "ENTRE MULLERES".
Trátase de ANA MARÍA VILA MONTERO, fundadora da ONG AXUNICA.

O ESPANTALLO AMIGO

O día 18 de maio, o alumnado de 1º ESO e 2º ESO (AE) acudiron a unha representación teatral ofrecida pola compañía "Os Quinquilláns" na Casa da Cultura de Allariz sobre a obraA esta actividade tamén acudiron os alumnos de 4º, 5º e 6º de primaria dos colexios de Xunqueira de Ambía e Allariz. de Neira Vilas "O Espantallo amigo"

Colaboraron os 3 centros escolares e o concello coa editorial Galaxia para ofrecer esta actividade no Mes das Letras Galegas.

O NOSO CENTRO PARTICIPA NA HOMENAXE AO PÁRROCO DE VILANOVA DOS INFANTES

Un alumno do noso centro, Gonzalo Villar de 3º ESO (PMAR) representou ao noso centro coa gravación dun fragmento do famoso poema de Curros Enríquez "A Virxe do Cristal".

Nesta actividade, que organiza a "Casa dos Poetas" participaron tamén os colexios de primaria de Allariz e Xunqueira de Ambía, xunto con outros centros de Galicia.

Preténdese facer unha homenaxe ao párroco de Vilanova dos Infantes, tristemente falecido o ano pasado, a través da lectura de distintos fragmentos da famosa obra de Curros por parte de alumnos de distintos centros que ao longo dos anos foron visitando Celanova.

Agradecemos a colaboración do noso excompañeiro, Rogelio Barbosa, que se ofreceu a facer a gravación e editala para mandala á Casa dos Poetas.

TERTULIAS LITERARIAS EN CASTELÁN

O día 7 de abril, alumnos de 3º, 4º ESO e 1º de bacharelato, asistiron a unha tertulia literaria sobre o libro La ley del menorde Ian Mcewan, xunto con outros centros da contorna (Xinzo de Limia, Maceda e Ribadavia) que tivo lugar no Liceo e que está organizada polo Concello de Ourense.
Foi unha tertulia moi proveitosa na que se intercambiaron opinións moi interesantes sobre o libro entre os participantes

Homenaxe á poetísa Luz Pozo Garza

Esta mañá recibimos a triste noticia do falecemento da poetisa Luz Pozo Garza

O IES DE ALLARIZ REPRESENTADO EN SANTIAGO DE COMPOSTELA NAS VIII XORNADAS DO CLUB DE LECTURA

O pasado 5 de xuño ,o IES de ALLARIZ, participou nas VIII XORNADAS DO CLUB DE LECTURA, que se celebraron en Santiago de Compostela.

A coordinadora da biblioteca, representaou ao centro, cunha charla "CLUBS QUE CREAN VÍNCULOS", onde se falaba sobre unha das actividades que máis acollida ten entre o alumnado e profesorado do noso centro: AS TERTULIAS LITERARIAS.

Desde o curso 2009-10, o noso centro, participa nas Tertulias Literarias que organiza o concello de Ourense no Liceo, no 2º e 3º trimestre que consisten na lectura dun libro en galego e outro en castelán e na celebración conxunta de varios centros da Tertulia.

Desde o curso 2011-12 lévanse organizando unhas TERTULIAS LITERARIAS EN ALLARIZ, que contan con 2 modalidades: presencial e radiofónica, na que o alumnado de 2º ciclo da ESO e Bacharelato, participan de bo grado.

No vindeiro curso queremos facer extensible esta actividade aos colexios de primaria, organizando unha tertulia conxunta para o último ciclo de primaria e o 1º ciclo de secundaria.

Desde o IES, AGRADECEMOS a colaboración do profesorado, alumnado, Concello, asociacións culturais, librarías e en especial a RADIO ALLARIZ que nos permite facer máis atractiva esta actividade.

SAMAÍN

O venres, 4 de novembro, o alumnado de 1º de ESO, animados pola súa profesora de Lingua Galega, Eva, quixeron agasallarnos cunhas deliciosas "sobremesas", que fixeron partindo das receitas do libro de Ledicia Costas "Escarlatina, a cociñeira defunta", lectura obrigatoria neste 1º trimestre.
Todo o alumnado e profesorado do centro, puideron degustar o froito do seu traballo, durante os 2 recreos da mañá.

Grazas ao alumnado e á profesora que fixeron posible esta actividade.

HOMENAXE A XOSÉ NEIRA VILAS

O pasado 27 de novembro faleceu un dos grandes da literatura galega: XÓSE NÉIRA VILAS

No IES de Allariz,tivemos a sorte de contar coa súa presenza hai 3 anos, cando veu inaugurar unha nova actividade que comezamos a desenvolver a través do club de lectura.

Apadriñou as nosas "Tertulias Literarias" co seu libro máis emblemático "Memorias dun neno labrego".

Hoxe queremos rendirlle unha homenaxe no noso centro a través dunha exposición da súa numerosa obra, na nosa biblioteca

PERCORRIDO POLA VILA DE ALLARIZ

O día 13 de abril, o alumnado de 2º ESO fixeron un percorrido pola vila de Allariz, acompañados por varios profesores do IES e guiados por Ramiro, que dun xeito moi lúdico lles foi explicando ao alumnado como era a estrutura da vila medieval e os lugares máis destacados de Allariz.

CONCEDIDAS AS AXUDAS Á BIBLIOTECA DO PLAMBE E O CLUB DE LECTURA

Desde o ano 2008-2009 a Biblioteca do noso centro participa no PLAMBE (Plan de Mellora de Bibliotecas Escolares) e tamén no Club de Lectura, dos que recibimos importantes achegas económicas, que xunto coa a asignación anual do centro, nos permite poder levar a cabo diferentes actividades de animación á lectura (Tertulias Literarias, Obradoiros, Excursións didácticas, Encontro con autores...).

Neste curso 2015-2016, a Biblioteca recibíu as seguintes contías económicas:

PLAMBE: 1.025

CLUB DE LECTURA: 1.285

Pódese acceder aos textos das correspondentes convocatorias nos seguintes enlaces:

https://www.edu.xunta.es/portal/sites/web/files/20150909_bibliotecas.pdf

https://www.edu.xunta.es/portal/sites/web/files/resol_clubslectura_1516_final.pdf

OBRADOIRO DE ANIMACIÓN Á LECTURA SOBRE "EL QUIJOTE" PARA O ALUMNADO DE 1º E 2º ESO

O Pasado 13 de abril, o alumnado de 1º e 2º de ESO asistiron á Casa da Cultura a un obradoiro de animación á lectura sobre "El Quijote" a cargo de Raquel Queizás.

Iníciase así o ciclo de actividades que a biblioteca, en colaboración cos departamentos didácticos, organiza para conmemorar o "Mes do Libro".

A esta actividade tamén asistíu o colexio de primaria "Padre Feijoo", co que colaboramos desde o IES e a biblioteca ao longo do curso.

ORZAMENTO DA BIBLIOTECA PARA O CURSO 2015-16 PROCEDENTE DO PLAMBE E O CLUB DE LECTURA

Desde a Biblioteca do IES de Allariz, sentímonos

23 de Abril: "Día do Libro"

Este ano 2020 vai ser inesquecible por moitos motivos e desde o noso centro queremos conmemorar tamén o "Día do Libro" dun xeito distinto. Ás veces a distancia únenos e así a comunidade educativa do IES de Allariz parece xuntar esforzos para que esta situación sexa o máis levadeira posible para tod@s. Por iso, desde a Biblioteca propomos unha actividade creativa que denominamos "LIBÉRATE CON LIBROS", polo valor simbólico que nestes momentos ten o verbo "liberar" na que poidamos facer recomendacións de lecturas que dalgún xeito axudaran a levar este tempo de confinamento dun xeito máis agradable.

Quen mellor que Olga, profesora do departamento de Lengua Española, para exemplificar a actividade. "El confinamiento me ha traído tiempo de regalo y estoy releyendo "Cien años de Soledad" en una edición preciosísima, regalo de una amiga muy querida. He vuelto a visitar Macondo y a escuchar las mágicas historias de la famila Buendía..." Un placer muy recomendable !!!

EXCURSIÓN A CELANOVA

O pasado 14 de outubro, o alumnado de 2º de ESO do IES de Allariz, compartíu unha xornada de convivencia en Celanova co alumnado de 6º de primaria do CEIP Padre Feijoo.
Xuntos visitaron Vilanova dos Infantes, O Mosteiro de Celanova, a Biblioteca do IES, a Casa dos Poetas e Castromao.
Ademais tanto o alumnado como o profesorado compartiron un xantar na Alameda da Vila.
Esta é unha das actividades que se propoñen desde a Biblioteca como un intercambio de experienciasentre primaria e secundaria que polo de agora está dando bos resultado.

CONCURSO DE POSTAIS DE NADAL "FALANDO DE SOLIDARIEDADE" 2015

Desde hai 3 tres anos, vimos realizando no noso centro un concurso de postais de Nadal.
Este ano, como estamos traballando coa "Solidariedade", o noso concurso levou o título "Falando de Solidariedade" e tódalas postais incluían mensaxes e imaxes solidarias.
Despois de elixir as postais gañadoras, fixemos unha exposición no corredor do centro, fronte á biblioteca.