Suxestións de lectura

O luns 24 de abril celebramos unha nova xuntanza dun dos clubs de lectura. Nesta ocasión foi o grupo dos alumnos os que se reuniron en torno a un café, non pode faltar, para analizar a lectura do marabilloso libro de Delphine de Vigan "Las gratitudes". Intercambiaron impresións e opinións sobre a temática tratada pola autora nesta novela: as relacións persoais, a terceira idade, a dependencia...

O pasado mércores celebramos a segunda reunión do clube de lectura de profesores. Analizamos a lectura do libro da autora francesa Delphine de Vigan "Las gratitudes". Unha fructífera reunión para un libro que gustou moito entre tódolos integrantes do clube de lectura.

O pasado martes 24 de xaneiro, dúas alumnas do centro acudiron xunto coa profesora responsable María, ao encontro literario que tivo lugar no salón noble do Liceo de Ourense coa escritora Ledicia Costas. Representaron á nosa escola na tertulia literaria sobre a obra "Golpes de Luz" participando con outros membros de clubes de lectura de Ourense.

Tralo inicio do curso a nosa BiblioEPA, en colaboración co Equipo de Dinamización da Lingua, retoma o desenvolvemento das primeiras actividades deste ano académico. Para abrir boca teremos unha interesante charla-coloquio coa mestra e politica ourensá Carmen Iglesias Sueiro. Será o vindeiro martes 18 de outubro de 19:30 a 20:15.

Posteriormente, o 26 de outubro, en doble sesión de mañá, na nosa escola de 11:50 a 12:40, e de tarde no Proxecto Home. O alumnado tera a oportunidade de coñecer á autora Ana Vila Portomeñe, poeta e labrega da parroquia de Meixonfrío, Taboada (Lugo). Autora de, entre outras obras: "Latexos dunha labrega", "Pintasías. Poesías e debuxos" e "Sentidos nunha aldea" ademais dunha variada obra colectiva.

A BiblioEPA, invítanos a ler e a escoitar a unha muller excepcional: Laura Novelle. En dúas sesións o día 7 de marzo, pola mañá ás 11 no noso centro EPAPU de Ourense e pola tarde ás 17:00 no Salón de Actos do Proxecto Home. Licenciada en Historia e cun posgrao en Xestión documental pola Universidade Jaume I, investigadora, docente nos diversos campus da Universidade de Vigo, bibliotecaria, escritora...Nin a súa diversidade funcional nin a súa condición de muller foron un obstáculo para conseguir as súas metas. Podes saber máis dela lendo o seu blog "Docendo Discitur" e por suposto acudindo a escoitala.