Extraescolares

Do 9 ao 12 de maio o alumnado dos cursos básico e intermedio de francés viaxou, xunto a dúas profesoras, á marabillosa cidade de Lyon (Francia).

Tivemos tempo de practicar o francés, de descubrir a cidade medieval de Pérouges e os restos romanos de Vienne, así como de practicar uns bailes no andén da estación para animar a espera.

Disfrutamos moito da viaxe e do super ambiente do grupo.

Este venres 7 de xuño coa fin de curso xa moi próxima, o alumnado de Ensinanzas Básicas Iniciais e de Español para estranxeiros celebraron a súa viaxe de fin de curso acompañados polos seus profes.

Nesta ocasión achegáronse ata a vila de Baiona onde visitaron a Casa da Navegación, o Museo-Carabela A Pinta e o parque e mirador da Virxe da Rocha. Tras un merecido descanso, pasearon polo centro histórico e o paseo marítimo rematando coa visita ao castelo-fortaleza de Monterreal. Un fantástico día de convivencia para finalizar o ano académico.

Os nosos compañeiros Santiago e Toño enviáronnos estas fotografías para darnos algo de envexa...

O día 14 EPAPU vai de teatro. Todo o alumnado está moi ilusionado por ir ao Teatro Principal. As entradas están agotadas. A compañía As Silvardeiras vai representar "Os vellos non deben de namorarse" dirixidas por Ánxeles Álvarez.

O martes, día 12, a directora da obra veu ao centro para falarnos de Castelao, o autor, e do significado da obra de teatro. Deu unha charla á mañá e outra á tarde. As dúas charlas estiveron moi concorridas e foron interesantisimas. Agradecemos a Ánxeles por ilustrarnos tanto sobre Castelao e a súa capacidade artística. Todos estamos desexando ver a obra que será un éxito.

A nosa escola tamén colabora coa Operación Quilo; campaña que, coma tódolos Nadais, organiza a asociación Amencer contando coa colaboración de Cáritas. No andar da planta baixa está instalado un colector onde poderás deixar as túas aportacións: roupa, xoguetes... así como informarte das outras posibilidades de colaboración coa campaña: achega de donativos por Bizum, aghega económica nos locais da  asociación ou mediante transferencia á conta de Amencer, envío compra dende o super ao local da asociación directamente...

Este xoves 15 de xuño amenceu un radiante e solleiro día, fantástico para que o alumnado de Ensinanzas Básicas Iniciais e de Español para estranxeiros, acompañados dos seus profesores, se dirixiran cara a Ribeira Sacra para embarcar no catamarán turístico e navegar polo fermoso canón do Sil. 

Tralo percorrido encamiñáronse cara a vila de Castro Caldelas onde, tras repor enerxías e pasear polo seu casco antigo, visitaron o seu Castelo. Un día de convivencia para rematar o ano académico.

O noso compañeiro Santiago enviounos estas fotografías para darnos algo de envexa...