Conmemoración 25-N: Charla de Malena de Jesús

Este venres tivemos unha xornada moi especial na EPAPU Ourense! Grazas á nosa compañeira Rosa Cid, contamos coa presenza de Malena De Jesús Rodríguez, directora do CIM e profesora da Universidade de Vigo. 

Malena ofreceu unha charla profundamente enriquecedora sobre a violencia de xénero e o labor fundamental que realiza o CIM. O noso alumnado mostrou unha grande atención e sensibilización ante este tema tan delicado e relevante.

Grazas de corazón, Malena, pola túa dedicación e compromiso como muller inspiradora.