Mesa redonda co noso alumnado procedente de Afganistán

Ao longo do martes 24 de maio celebráronse mesas redondas nas distintas quendas (mañá, tarde e noite) organizadas polo profesorado do departamento de Español para estranxeiros nas que os nosos alumnos prodedentes de afganistán responderon ás preguntas que lles formularon o resto do alumnado da escola. 

Grazas a Wahida Shankar e Sayed Hamza poidemos coñecer de primeira mán a triste realidade da sociedade afgá trala toma do poder dos talibáns e a represión sufrida especialmente polas mulleres. Unha auténtica lección de vida a que recibimos todos onte na nosa escola.

A actividade complementouse co visionado previo do documental “Escape de Kabul (Parte 2) / Buscando a Dios (Jorge Said)” que podedes atopar no seguinte enlace de youtube: Escape de Kabul 

No blog do proxecto Donas de Si tamén tedes máis información desta actividade: Wahida Shankar, unha auténtica dona de si.