O CRA DE VILABOA NA REDE DE ESCOLAS NA NUBE
A Consellería de Cultura e Educación, AMTEGA e CESGA asinarán un convenio para o desenvolvemento da “Rede de Escolas na Nube”
Trátase dun proxecto de innovación educativa que tenta desenvolver unha contorna de colaboración e aprendizaxe en comunidade, baseada en servizos ‘cloud’ e software aberto para os Centros Rurais Agrupados.
A iniciativa é coordinada polo CESGA, e conta coa participación da área de I+D+I da empresa galega BALIDEA
Na actualidade, a experiencia piloto estase a desenvolver en catro Centros Rurais Agrupados: o CRA de Vilaboa, o CRA Amencer en Ribadavia, o CRA Boqueixón-Vedra, e o CRA Nosa Señora do Faro, en Ponteceso. Entre eles abarcan 22 escolas unitarias rurais nas provincias de Pontevedra, Ourense e A Coruña, con 60 docentes e 333estudantes dende os 3 aos 7 anos participando no proxecto dende o principio de curso.
O Presidente da Xunta de Galicia Don Alberto Núñez Feijoo recibe ás directoras da REDE de ESCOLAS na NUBE. As Directoras, en representación dos CRAs que están no proxecto da NUBE aproveitaron para darlle difusión ao Proxecto e centrar o interese no Ensino Rural onde se aposta por un cambio metodolóxico a través da tecnoloxía. 
Versión para impresora
