Berdillo

A semana pasada coñecimos unha nova técnica de estampación con cartón de papel hixiénico, de fixo, de papel de cociña e ademais tamén empregamos algodón. Tamaños, cores, diámetros, espazos...

Onte e hoxe estivemos falando de todas esas mulleres (mamis, tías, avoas, veciñas...) que temos ao noso redor e teñen superpoderes. Eles mesmos dicían, superpoderes para coidalos, para facerlles a comida, para xogar, para deixalos durmir na súa casa, para facerlles un biscoito... Cada un escolleu a unha e falou dela, explicounos porque era a súa supermuller!!!

Quixemos agradecerlles todo iso cun relagiño: unha medalla e un retrato.

Ademáis, para completar o día coñecimos a unha PALEONTÓLOGA, MARY ANNING, muller destacada entre outras cousas por ser a primeira que atopou un fósil enteiro dun ictosaurio sendo unha nena de 12 anos. Aproveitamos para buscar información nos libros da biblioteca sobre este réptil mariño e aprender curiosidades del.

A semana pasada fumos de excursión ao Museo Etnolúdico de Galicia, alí coñecimos moitos xogos, xoguetes e deportes de antaño e tamén algúns recentes. Sen dúbida pasámolo en grande. Ademáis, o día anterior na escola elaboramos peonzas con rotus coas que fixemos uns debuxos chulísimos.

Mirade, mirade!!