A todas aquelas persoas interesadas en colaborar poderán deixar as súas doazóns na súa correspondente escola, os días 14 e 15 de decembro de 9:00 a 14:00.

Todas as doazóns repartiranse entre Cáritas Interparroquial de Bergantiños e Cruz Vermella Carballo.

Versión para imprimir

25 DE NOVEMBRO

Ven, 26/11/2021 - 19:56 — teresa

Nas escolas do C.R.A. conmemoramos o 25 de novembro e o rexeitamento á violencia.

Fixémolo traballando e reflexionando sobre o conto "Artur e Clementina"

Ademais, a través da obra de Oswaldo Guayasamín, centrámonos na expresión non verbal e a súa relación coas emocións; comprobando que as mans tamén "falan" e, en ocasións, son máis expresivas que as palabras.

Versión para imprimir

MAGOSTO 2021

Lun, 08/11/2021 - 17:10 — AnaFernandez

O venres 29 de outubro celebramos nas diferentes escolas a festa do Magosto.

Comezamos a maña realizando diferentes obradoiros de outono: figuras con millo, castañas, follas, landras..., luces e sombras con follas, pintura artística de outono con acuarelas, búsqueda de tesouros de outono, mural pintando con pinas, castañas, landras, ramas..., pintar follas, debullar o millo, xogo do 3 en raia con froitos de outono...

Ademais, durante a semana, nalgunhas escolas xa estiveron traballando a figura popular do espantallo e incluso construiron algúns que remataron este día e quedaron moi fermosos.

Merendamos como non podía ser doutra maneira unhas deliciosas castañas asadas.

Nalgunhas escolas incluso as asaron alí, foi marabilloso!!

Gozamos de tempo de lecer e para rematar a maña queimamos os nosos medos, os cales traballamos durante toda a semana para así convivir dunha mellor maneira con eles.

Grazas a todas e todos por pasar un día tan fermoso de magosto!!!

Versión para imprimir

CEMITERIO DE CONTOS

Lun, 08/11/2021 - 16:51 — AnaFernandez

Durante a semana do Samaín as nenas e nenos atoparon nas súas escolas un "Cemiterio de Contos".

Os pobres contos morreran en diferentes circunstancias, e os rapaces tiñan a misión de resucitar un conto cada día da semana.

Para que o conto puidera voltar á vida tiñan que lelo e pronunciar o conxuro máxico resucita-contos con moita enerxía.

Ao final da semana todos os contiños volvían a estar na biblioteca sanos e salvos.

Con esta actividade, as nenas e nenos descubriron e gozaron de historias de monstros, bruxas, lobos, cabazas... e aproveitaron para falar dos seus medos a diferentes cousiñas e así poder aprender a convivir dunha mellor maneira con eles.