Educación Infantil, Educación Primaria, Equipos de centro, Act. Complementarias, ENDL, TICs, Proxecto Lector

Aínda que a paz traballámola día a día en todas as escolas, o pasado mércores 30 de xaneiro quixemos conmemorar o Día Escolar da Non Violencia e da Paz con diferentes actividades. As propostas dende o equipo de Normalización foron facer, decorar e colgar uns corazóns na aula ou escola e cando dúas persoas coincidan debaixo terán que darse unha aperta ou un bico, e por outro lado, crear en cada escola a mesa ou caixa da paz, a cal nos serve para resolver conflitos, relaxarnos, calmarnos en determinados momentiños, identificar emocións,...

Ademais, en cada escola tamén se levaron a cabo outras actividades relacionadas coa paz como unha sesión de contacontos cociñando "A mellor sopa do mundo", conversas cos nenos e nenas sobre a paz e violencia, mandalas da paz, lectura de contos como "O Principito", "El hombrecillo de papel"..., murais, coñeceron a historia de Malala Yousafzaí,... Todas estas actividades podedes velas nos blogues de cada unha das escolas.

E aquí vos deixamos algunhas fotos das actividades do corazón e a caixa da paz!