CRA Ponte da Pedra

Esta semana comezamos coa formación de profesorado na nosa sede. O luns contamos con Chema Mesías que nos ensinou a provocar aprendizaxes a través da arte e o martes foi o turno de Patricia, mestra do CEIP Fogar, que nos axudou a entender como se xestiona Erasmus +. Grazas á Fundación Barrié agora contamos con dous canóns que fan que a formación na sede sexa un éxito, así que desde aquí queremos agradecerlles o apoio e a axuda que nos prestaron.

Moitas grazas.

O mércores 30 de outubro celebramos o magosto. Como é costume nos últimos anos, a xuntanza fixémola na escola de Cances onde, ademais de merendar castañas asadas,organizamos diferentes xogos.

Foi unha xornada chea de diversión e movemento. 

O pasado venres 11,as mestras Teresa Rodríguez e Beatriz Castro representaron ao CRA Ponte da Pedra no encontro organizado polo CAFI “ Vencello Erasmus”. O encontro serviu para difundir o noso proxecto Erasmus + e para establecer alianzas con outros centros que traballan empregando as mesmas metodoloxías. Esperamos que este novo camiño de formación e apertura sirva para mellorar a calidade educativa do noso centro e poñer á escola rural no lugar que se merece.

Grazas a todos e a todas por formar parte deste proxecto.