Skip to Content

Berdillo

Imaxe de Monica

NOVOS COMPAÑEIROS!

Ven, 03/05/2019 - 16:31 — Monica

Esta semana tivemos unha visita, VERMES DE SEDA e viñeron para quedarse!

Estes días andan de visita por algunha das escolas do CRA pero pronto volverán e así poderemos observar o seu ciclo vital.

Imaxe de Monica

COMPARTINDO MOMENTOS!

Ven, 03/05/2019 - 16:20 — Monica

Durante esta semana mamis e papis compartiron con nós o momento do conto, conmemorando dun xeito máis o Día do Libro.

Moitas grazas familias!

Volvede pronto!

 

Imaxe de Monica

ANIVERSARIO AROA

Ven, 03/05/2019 - 16:07 — Monica

Hoxe na escola celebramos o aniversario de Aroa que mañá cumplirá 4 anos.

FELICIDADES PITUFA! 


Imaxe de Monica

DIARIO DA ESCOLA

Dom, 28/04/2019 - 19:43 — Monica

EXPERIMENTO

Antes das vacacións realizamos un experimento co fin de comprobar como as plantas absorben auga. Enchemos tres botellas con auga e botámoslle colorante: vermello, amarelo e azul.

Establecemos hipóteses, que ocorrerá? e obervamos. Concluimos que as flores absorben auga polo talo e o levan o resto da planta por iso os pétalos agora eran da cor do colorante.

 

CÍTRICOS

Tamén quedara pendente unha actividade cos cítricos que resultara despois de que Manu nos trouxera dous deles: laranxa e limón. Añadimos a estes dous o pomelo e a lima. Buscamos información, tocámos, ulimos, probamos, escribimos o seu nome, contamos as letras...

DÍA DO LIBRO

O 23 de abril celebrouse o Día do Libro e na escola tivémolo presente. Nesta ocasión traballamos a banda deseñada. Depois de ler un comic, falar del e das súas caracteristicas cada neno/a realizou o seu propio a partir de catro viñetas. Primou "o que querían contar" por eso eu escribín a historia que eles me dictaban. A vindeira semana seguiremos traballando esta data conmemorativa con varios contacontos moi especiais.

VISITA POLICÍA

O máis esperado da semana era a visita do policía. Mantivemos con el unha conversa na que sobre todo falamos das normas de seguridade. Sen dúbida o que máis nos gustou foi ver o coche, escoitar a serea, falar polo micro...

PROTAGONISTA DO CONTO

Durante este trimestre levaremos a cabo unha vez a semana a actividade titulada "Protagonista do conto". O obxectivo é que debuxen o protagonista do conto que limos:

1º Lectura do conto.

2º Análise da ilustración

3º Trazo en papel.

Pretendese que cada vez poñan máis énfase nos detalles do debuxo. Ademais, dependendo do nivel, escriben o título e o nome do personaxe.

 

 

Imaxe de Monica

DÍA CONVIVENCIA ARTES E VERDILLO

Dom, 14/04/2019 - 13:24 — Monica

A convivencia do venres cos nenos/as de Artes resultou magnífica. Deixovos un pequeno resumo do que aconteceu o longo da mañá.

Comezamos bailando e movendo o corpo para seguir cun xogo de presentación no que nos unimos tecendo unha tea de araña. Queríamos seguir unidos o longo da xornada polo que fixemos outra representación máis, unirnos tamén na tea de araña representada no patio cuberto. Para iso, fixemos os nosos autoretratos e escollimos un fío para colgalo. 

Chegou o momento da merenda, preparamos zume de laranxa e unhas deliciosas borchetas de froita con chocolate.

Continuamos co recreo no que compartimos xogos e risas .

Rematamos a xornada cunha inslalación artistica (é unha manifestación de arte contemporáneo que propón un espazo simbólico para representar unha idea ou mensaxe intencionado. É unha situación lúdica, de experimentación, relación e de aprendizaxe a través da transformación do espazo e da exploración dos obxectos presentes na na mesma).  

Despois de interactuar con ela falamos en asemblea o experimentado e representamos o vivido o longo da xornada nun mural. O producto final do día quedou precioso.

 

Grazas aos nenos/as de Artes por acompañarnos!

 


Distribuir contido


by Dr. Radut