O martes 18 de xaneiro visitounos Anxo Fariña dentro do programa da Dirección Xeral de Política Lingüística "Bocaberta". Leramos o primeiro libro da colección dos Megatoxos e el impartiunos o obradoiro "Ti creas a historia". Aprendeunos a crear os elementos dunha historia, especialmente os personaxes, e animounos a enviarlle ideas sobre lugares, personaxes, obxectos máxicos, etc., que poida utilizar na súa próxima banda deseñada.
Resultou unha actividade moi divertida e deixounos impresionados coa súa facilidade para debuxar un personaxe cun par de liñas.