CPI Plurilingüe Cernadas de Castro

Este é o título do concurso que se iniciou no mes de marzo no CPI Cernadas de Castro. Mes a mes, o xurado composto pola nosa conserxe María, por un alumno/a de primaria e polo profesor de Educación Plástica, Adolfo, elixen aquela aula que presenta mellor aspecto en canto á orde, limpeza, decoración,...O alumnado gañador recibe un premio, de xeito individual, polo seu traballo, esforzo  e contribución á mellora das aulas.

Temos que dicir que o alumnado, dirixido fundamentalmente polos seus titores e titoras,está a realizar un fantástico traballo. 

Por outra banda, todo o centro está volcado na procura dunha mellor convivencia. As aulas todas preparan afanosamente a súa  papeleira de reciclaxe e tamén unha serie de lemas que consideran fundamentales para a  convivencia nun centro educativo.

Para que vos fagades unha idea aí van unhas primeiras  fotos 

A semana pasada estivemos preparando un teatro  sobre  o conto " A cebra Camila" para contarllo aos nen@s de infantil. Divertímonos moito preparando todo: música, caretas, roupa... 

Na clase de Cidadanía fixemos uns libros onde os protagonistas eran as nosas familias. 

Estas son algunhas das fotos dos nosos traballos.

O alumnado de 4º ESO que cursa a materia de Introdución ás Tecnoloxías da Información e da Comunicación levou a cabo un proxecto de investigación sobre os avances científicos e tecnolóxicos do século XX e do actual século XXI. Unha vez recollida a información acordaron entre todos a maneira de presentala e as cuestións de formato que ían ser comúns. O froito foron estas 12  presentacións con diapositivas que agora vos presentamos .

O 23 de abril celébrase o "Día do Libro", polo que desde 6º participamos nesta celebración creando os nosos propios libros. A temática destes baséase nas nosas especiais familias.

Pódense observar na exposición do corredor principal do centro.

Esta semana na clase de Lingua Castelá volvimos a traballar a biografía. A semana pasada vimos unha biografía de Kandinsky online e esta semana lémola en formato impreso.

Fomos comprobando todo aquilo que aprenderamos:

Esta semana na clase de matemáticas estivemos traballando os triángulos. Xa tiñamos un pouco esquecidos os tipos de triángulos que hai polo que antes de empezar os tivemos que recordar entre todos. Unha vez que lembramos que os triángulos poden ser: equiláteros, isósceles ou escalenos, a nosa profe deunos un cadro de Kandinsky e nel tivemos que buscar todos os triángulos que visemos, repasamolos con rotuladores de cores, medimos e poñíamos ao lado de que clase eran.

Á marxe das cousas materiais e que temos a montóns, EnClave Suzuki tivo unha idea interesante: regalar a experiencia de tocar un instrumento (violín ou viola)!!! Dende os 3 aos 99 anos, podedes ser destinatarios deste regalo, que consiste nunha "caixiña musical" que podedes mercar en O Pazo das Musas (Santiago de Compostela). Verdade que mola??

Clicando nunha destas imaxes podedes ler máis información sobre o tema.