Na aula de 4 anos somos fans deste conto. Xa facía días que o alumnado o pedía, entón fomos á biblioteca en busca del.  O conto é: Corre, corre, cabaciña. Despois de ver o vídeo imnumerable de veces, pois decidimos facer unha tarefa. A idea deume o blog: @detresaseis e que eu modifiquei un  pouquiño.

Cando fomos á biblioteca tamén vimos este conto titulado: A pantasma da Illa de Cortegada. E como falaba de pantasmas e estamos no Samaín, pois para a nosa aula foi. Temos que dar a noraboa a Paula Carballeira, por que nos encantou este libro. A que non sabedes quen é Maruxa e Leonor? Pois teredes que ler o conto e ver este video.  Nel veredes imaxes dos debuxos que fixemos dunha páxina do conto que nos gustou moito. E como somos uns artistazxs, nós atrevémonos con todo e desta volta  somos "paulistas" (verbas do alumnado). Asique ollade o vídeo.

O pasado 2 de novembro todo o alumnado da ESO tivo a oportunidade de falar coa autora María Sánchez sobre o seu libro Almáciga, co cal tiñan traballado previamente na clase. A autora tamén lles falou doutros temas como das súas outras obras Tierra de Mujeres e Cuaderno de Campo.

O martes 31 visitaron o noso centro o escritor, Abraham Pérez, e mais o editor de Menino Morreu, Ângelo Pineda, para presentar o libro Sacho de seda. Faláronnos do que significa o fútbol xunto ca súa relación ca nosa realidade e os contextos sociais, foi unha xornada entretida e ben interesante.

Texto: Na materia de Lingua Castelá, estivemos traballando co libro Almáciga da autora María Sánchez. Nel a autora recolle unha serie de palabras do ámbito rural en risco de desaparecer e constrúe así o seu pebideiro de palabras, a súa almáciga. Nós, convidados pola autora, tamén estamos a procurar as nosas palabras-semente.

O próximo 2 de novembro falaremos con ela sobre este tema.