O Consello Escolar do Conservatorio en xuntanza extraordinaria do 29 de marzo de 2023 aprobou a modificación do sistema de elección de horarios das materias individuais, quedando a partir do vindeiro curso como segue:
- A elección será presencial, pero permitirase delegar a representación noutra persoa.
- A elección comezará nos cursos máis altos (6º de grao profesional) e irá baixando curso a curso ata os máis baixos (1º de grao elemental).
- No caso de haber máis de un/ha alumno/a nese curso (que queiran a mesma hora de clase) elexirase a orde por sorteo.
- Se no momento da elección falta algún/ha alumno/a, seguirase co seguinte. Polo tanto o alumno/a (ou representante) deberá estar presente no momento da elección ou elixirá de último/a.
- Non se poderá deixar a xuntanza de elección de horario ata que esta remate por se houbera que facer algunha modificación ao final.
