Visita do escritor Manuel Núñez Singala
O próximo 19 de febreiro visitaranos Manuel Núñez Singala. Agardamos a vosa asistencia !
 |
HORARIO DE APERTURA BIBLIOTECA:
CIFP COROSO (Luns a Venres)
Mañá: 8:30-15:00h.
Tarde: 16:30-21:00h
HORARIO DE PRÉSTAMO E DEVOLUCIÓNS DE BIBLIOTECA
CIFP COROSO
Luns: 16:30 a 20:00
Martes: 13:00 a 14:00
Mércores: 9:30 a 10:30
Xoves: 9:30 a 10:30 e de 19:00 a 20:00
|
 |
GUÍA DE USUARIOS / AS:
Prema na imaxe para atopar informacións relativas a:
- Servizos ofrecidos pola biblioteca.
- Como localizar un libro na bilioteca.
- Como consultar o catálogo da biblioteca on-line.
- Normas de funcionamiento e préstamo.
|
 |
BUSCA NA BIBLIOTECA:
Prema na imaxe para entrar no catálogo da bilioteca.
|
NOVIDADES E RECOMENDACIÓNS BIBLIOTECA CURSO 2023-24
Achegamos a nova guía de novidades e recomendacións de lectura para este curso 2023-24 realizada pola Biblioteca do CIFP Coroso. Prema nesta ligazón ou na imaxe para ver a guía.
NOVIDADES E RECOMENDACIÓNS CURSO 2022/23
Achegamos a nova guía de novidades e recomendacións de lectura para este curso 2022-23 realizada pola Biblioteca do CIFP Coroso. Prema nesta ligazón ou na imaxe para ver a guía.
Páxinas
DIA MUNDIAL CONTRA O ACOSO E CIBER ACOSO ESCOLAR
Con motivo do Día 2 de Maio " Día Mundial contra o acoso e ciberacoso escolar" celebramos con 1º FPB e alumnado de 1º ESO do IES N.1 un obradoiro para previr e detectar o acoso nos centros.
Contamos coa testemuña de 2 persoas que contaron a súa experiencia e como lles afectou na súa vida. E tamén se ofreceron ferramentas e recursos para a comunidade educativa.
LIBROS AO CLAREO - DIA DO LIBRO 2024
No CIFP Coroso queremos celebrar o Día Internacional do Libro coa exposición "Libros ao clareo" que se montou na entrada do centro novo. Ali poderanse ver as recomendacións literarias do noso alumnado e membros da comunidade educativa. Animávosvos a visitala.
CELEBRAMOS O DÍA DO LIBRO
Con motivo do Día Internacional do Libro (23 de abril), participa facendo a recomendación dun libro que che gustase.
Podes atopar aqui a plantilla para así empregala como formato. Anímate!! a túa recomendación terá un premio seguro.
Todas as recomendacións do alumnado e membros da comunidade educativa, serán "colgados" na entrada do centro novo.
Celebra o 23 de abril recomendando o teu libro favorito!
Tódalas persoas que formamos esta comunidade educativa podemos participar!
Como facelo? Hai dúas formas, elixe a que prefiras:
1 - Cumprimentar un modelo como esta plantilla, indican o título, unha foto do libro, un comentario e o teu nome e apelidos. Unha vez feito pásao a PDF.
… ou ...
2 - Grávate nun vídeo portando o libro e facendo un comentario sobre o mesmo. Duración: non superior a 1 minuto.
Tes que mandar o teu vídeo/documento PDF ao e-mail da biblioteca:
biblioteca.cifp.coroso@edu.xunta.gal
A data tope para remitir é o venres día 19 de abril.
O alumnado que participe recibirá un vale para un bocadillo e unha auga da cafetería do centro que poderán recoller na biblioteca ou en Orientación unha vez entregada a recomendación. A maiores participará no sorteo do libro “Memoria do silencio”.
O profesorado/persoal non docente que participe recibirá un agasallo sorpresa!
Tódalas recomendacións serán expostas durante a semana do 23 de abril na entrada do centro e os vídeos, ademáis de proxectalos na pantalla da entrada, serán subidos ao IG da Biblioteca.
OBRADOIRO SOBRE SEXUALIDADE E AUTO ESTIMA
O pasado xoves 21 de marzo desenvolveuse un Obradoiro sobre Sexualidade e Auto Estima co alumnado de 2º FPB impartido por Laura Veiga, sexóloga e xornalista. Un total de 20 alumnos/as recibiron esta formación durante 2 horas.
DIA INTERNACIONAL DA MULLER E A NENA NA CIENCIA
O CIFP Coroso vai celebrar as II Xornadas do Día Internacional da Muller e Nena na ciencia. Durante o 8 e 9 de febreiro, cada familia profesional do centro fará exposicións e experimentos en directo para amosar a importancia que ten a ciencia en cada ciclo formativo. Prema aquí para ver o programa completo.
DÍA DAS BIBLIOTECAS 24 DE OUTUBRO
Con motivo do día das Bibliotecas , 24 de outubro e baixo o lema " Unha biblioteca diversa: un mundo por explorar" o noso alumnado de FPB desfrutou visionando a película Billy Elliot. Xa que este ano nos centrámos na igualdade, respecto e diversidade entre as persoas.
PARTICIPAMOS NO IX CONCURSO DE TRABALLOS POR PROXECTOS
En Coroso temos ben presente que debemos ser sostibles, por iso somos eCOlóxicos e teCnOlóxicos. Este é o noso lema para participar no IX Concurso de Traballos por Proxectos convocado por Bibliotecas Escolares de Galicia.
DIA DAS LETRAS GALEGAS 2023 NO CIFP COROSO
Ven a celebrar o Día das Letras Galegas! A biblioteca énchese de música e dos paxariños piadores de adeus ríos, adeus fontes...
Este ano, o 17 de maio trae no peto unha triple celebración. Homenaxemos a Francisco Fernández del Riego escritor, intelectual e político autor dunha extensa obra centrada principalmente na cultura e na literatura galega. Xunto a Otero Pedrayo e Ramón Piñeiro, entre outros intelectuais galegos, é un dos artífices da editorial Galaxia.
No 2023 cúmprense 60 anos da primeira celebración do 17 de maio, día elexido porque, en tal data (o 17 de maio de 1963) se cumprían 100 anos da publicación do primeiro exemplar da obra Cantares Gallegos, de Rosalía de Castro, e que marcaría o inicio do chamado Rexurdimento cultural de Galicia.
23 DE ABRIL - CELEBRAMOS O DÍA DO LIBRO
EXPOSICIÓN-CONCURSO "LIBROS AO CLAREO"
Vai chegando o 23 de abril, Día do Libro, e imos celebralo coa nosa tradicional exposición de "Libros ao clareo". Todos os membro desta comunidade educativa están convidadas e convidados a participar enviando ao correo da bibloteca biblioteca.cifp.coroso@edu.xunta.gal unha recomendación sobre un libro e do que se queira que os demáis poidamos disfrutar tamén.
Todas as recomendacións serán expostas na entrada do centro novo, e só por participar recibirás un pequeno agasallo. A data tope para enviar a proposta é o 21 de abril.
Se precisas máis información, atoparala tanto na Biblioteca como na Web do centro, na que tamén está o modelo para poder participar. Anímate a compartir as túas experiencias lectoras e celebra o Día do Libro!
VISITA DO ALUMNADO DO C.E.I.P.P. DE PALMEIRA
VIDA SUBMARIÑA E PROTECCIÓN DOS MARES
Os días 12 e 13 de abril visitaron o CIFP Coroso os nenos/as de 3º e 4º do CEIPP Palmeira que están realizando un proxecto sobre a vida submariña e protección dos mares. Na súa visita coñeceron de primeira man o traballo que se realiza nun laboratorio, nunha planta alimentaria e tamén a aplicación da robótica na empresa.
Páxinas
Orientación
Departamento de Orientación
.
O Departamento de Información e Orientación Profesional do Centro, actúa nos seguintes campos:
ASESORAMENTO DO ALUMNADO EN RELACIÓN A ASPECTOS ACADÉMICOS:
- Convalidacións de módulos profesionais e exencións.
- Probas de acceso de Grao Medio e Superior; convocatorias, prazos, exencións...
- Probas libres de ciclos formativos.
- Probas para obter o título da ESO ou Bacharelato: Ensinanzas en réxime de adultos e mediante proba libre.
- Probas para o acceso á Universidade.
- Bolsas e axudas ó estudo; prazos, trámites, cuantías, requisitos...
- Premios extarordinarios de ciclos formativos de grao superior.
- Estudos superiores: graos universitarios.
- Información sobre residencias e centros residenciais docentes.
- Información sobre estudos oficiais de idiomas.
- Información sobre a obtención do CELGA.
ASESORAMENTO A PERSOAS TRABALLADORAS E DESEMPREGADAS
- Información sobre a oferta de cursos AFD (Actividades Formativas para Desempregados) no CIFP Coroso e na contorna, así como información regrada e non regrada na nosa Comunidade.
- Probas libres para obter os carnés profesionais.
- Procedemento de acreditación de competencias profesionais pola experiencia profesional.
- Asesoramento e trámites para obter certificados profesionais.
ATENCIÓN E ASESORAMENTO A ALUMNADO CON NEE (NECESIDADES EDUCATIVAS ESPECIAIS)
- Asesorando ó alumnado, familias e profesorado na implementación de medidas para atender ditas necesidades e favorecer a súa aprendizaxe.
INFORMACIÓN DO EIDO LABORAL
- Coordinación cos servizos de orientación dos Concellos na difusión da oferta formativa elaboral da contorna: ofertas de emprego relacionadas cas familias profesionais que aqui se imparten.
COORDINACIÓN MULTIDISCIPLINAR
- O Departamento colabora activamente co Equipo de Dinamización da Lingua Galega e da Biblioteca, para a organización e desenvolvemento de actividades ó longo do curso no eido da cultura e promoción do galego no Centro.
- Tamén traballa conxuntamente cos centros educativos de ensino secundario para programar actividades conxuntas e dar a coñecer a oferta educativa do CIFP Coroso.
- Colaboración cas asociacións de persoas con diversidade funcional AMBAR e AMICOS para favorecer a convivencia e a integración.
Bolsas de axuda ó estudo
BOLSAS DE AXUDA Ó ESTUDO PARA O CURSO 2019-2010
1 - Estudos para os que se pode solicitar bolsa:
- Bacharelato
- Ciclos formativos de grao medio e superior
- Formación Profesional Básica
- Ensinanzas universitarias de Grao e Master, idiomas...
2 - Cómo se solicitan?
As bolsas cubriranse directamente a través de Internet, neste enderezo web.
Unha vez na web seguir os pasos correspondentes.
Ir ó enlace Becas Generales - Estudios no Universitarios - Solicita tu beca no universitaria.
Marcar o tipo de acceso; certificado, clave, etc... e seguir as instruccións.
3 - Lugar e prazo de presentación da solicitude:
Unha vez que se cubran os distintos apartados da bolsa e non presente erros, xa se presenta mediante formulario on-line. O MEC enviará un correo electrónico co resgardo da presentación. Non hai que aportar documentación.
DENDE O 1 DE AGOSTO ATA O 1 DE OUTUBRO (INCLUíDO)
Para obter máis información persoalizada, poderase chamar ós seguintes teléfonos:
- 981 184 741 - A Coruña
- 910 837 937 - Madrid (das 09:00 h ata as 17:30 h)
Visita do escritor Manuel Núñez Singala
O próximo 19 de febreiro visitaranos Manuel Núñez Singala. Agardamos a vosa asistencia !
VIII XORNADAS DE PORTAS ABERTAS NO CIFP COROSO DE RIBEIRA
VIII XORNADAS DE PORTAS ABERTAS NO CIFP COROSO DE RIBEIRA.
O xoves 6 de xuño e o venres 7 de xuño de 2019. En horario de mañá
Durante estes 2 días visitarannos no CIFP Coroso alumnado de 4º ESO de varios centros da contorna:
IES Espiñeira de Boiro, IES Pobra e os IES Leliadoura, IES N.º1, CPR Sagrado Corazón, CPR A Milagrosa e CPR Bayón, todos pertenentes ao concello de Ribeira.
Segundo a información da que dispoñemos, arredor de 130 alumnos/as pasarán polo CIFP Coroso durante esta xornada.
Durante a visita o alumnado poderá acceder aos talleres nos que se imparten os diferentes ciclos formativos de grao medio das 4 familias profesionais que se ofertan no noso centro. Faráselle unha visita guiada por esas instalacións e poderán falar co profesorado e alumnado que alí se atope.
O obxectivo é que coñezan en directo que estudos se ofertan e tamén que se traballa nos distintos módulos profesionais para poder tomar unha decisións o máis axeitada posible aos seus intereses e motivacións.
Cada visita durará arredor de unha hora e media.
Organiza: Dpto. Información e Orientación Académica e Profesional.
Participa: Profesorado das familias profesionais.
Probas de acceso a ciclos formativos de grao medio 2019
No seguinte enlace pódese consultar toda a información sobre as probas de acceso a ciclos formativos de grao medio para a convocatoria do 2019:
 |
Probas de acceso a ciclos formativos de grao medio 2019 |
VIII - Mesa redonda do emprendemento: Creando Futuro
O 26 de febreiro celebrouse no CIFP Coroso a VIII Mesa redonda do emprendemento.
Agradecemos ós xerentes das empresas participantes a súa colaboración.
Información sobre as probas de acceso a Ciclo Superior
A continuación pódese consultar un documento con toda a información das probas de acceso a ciclo superior, que terán lugar o vindeiro 10 de abril no CIFP Coroso.
|
Dinamización
Dinamización
Somos o Equipo de Dinamización da Lingua Galega do CIFP Coroso e queremos potenciar o seu uso na comarca do Barbanza, promovemos diferentes actividades principalmente para a nosa comunidade educativa aínda que tamén de cando en vez participan persoas alleas a ésta.
Non queremos que a nosa lingua desapareza polo tanto contamos contigo!
Podes atoparnos nas seguintes ligazóns:
 |
 |
| Blog colleitadores | Blog EDLG |
 |
 |
| Instagram Dinamiza Coroso |
E se queres contactar con nós, preguntarnos ou aportarnos ideas podes facelo a través do correo electrónico edlg.cifp.coroso@edu.xunta.gal
CONMEMORAMOS O DIA DE ROSALÍA DE CASTRO
O día 23 de febreiro celebramos o Día de Rosalía e quixemos conmemoralo lendo uns poemas da escritora e tamén degustando a receita do seu famoso caldo de gloria. Todos os membros da comunidade educativa desfrutaron desta elaboración.
Igualdade
"NA MESMA PROFESIÓN, A MESMA VALÍA" - IGUALDADE EN COROSO
Este espazo está integrado no Plan de Igualdade do CIFP Coroso, que ten como obxectivo principal fomentar a igualdade e non discriminación por razóns de xénero. Centramos a nosa labor en promover o acceso efectivo ao mundo laboral entre homes e mulleres.
Aquí poderás atopar enlaces a recursos, materiais, informacións e actividades en materia de coeducación que se van desenvolvendo ó longo do curso.
O CIFP Coroso comprometido coa educación na igualdade e a non discriminación.
Enlace ó Plan de Igualdade do C.I.F.P. Coroso para este curso 2023-24. Clique aquí.
Enlace á web de Igualdade da Consellería de Educación da Xunta de Galicia. Clique aquí.
Enlace á web do Pacto de Estado Contra a Violenxia de Xénero. Clique aquí.
A igualdade de xénero nas ensinanzas de FP do CIFP Coroso é unha realidade. Este video está subido ao canal de Youtube do centro e máis tamén ás redes sociais.
Neste ano tan diferente, as nosas campionas amósannos que podes alcanzar os teus soños se loitas por eles.
DIA DAS LETRAS GALEGAS 2023 NO CIFP COROSO
Ven a celebrar o Día das Letras Galegas! A biblioteca énchese de música e dos paxariños piadores de adeus ríos, adeus fontes...
Este ano, o 17 de maio trae no peto unha triple celebración. Homenaxemos a Francisco Fernández del Riego escritor, intelectual e político autor dunha extensa obra centrada principalmente na cultura e na literatura galega. Xunto a Otero Pedrayo e Ramón Piñeiro, entre outros intelectuais galegos, é un dos artífices da editorial Galaxia.
No 2023 cúmprense 60 anos da primeira celebración do 17 de maio, día elexido porque, en tal data (o 17 de maio de 1963) se cumprían 100 anos da publicación do primeiro exemplar da obra Cantares Gallegos, de Rosalía de Castro, e que marcaría o inicio do chamado Rexurdimento cultural de Galicia.
ENCONTROS LITERARIOS NO CIFP COROSO
A escritora galega Fina Casalderrey tivo un encontro literario co noso alumnado de FPB , Para transmitirlle a súa pasión pola escritura, a lectura e a creación de contidos en lingua galega.
ENCONTROS LITERARIOS 2023
O mércores 15 de febreiro contaremos coa presenza da escritora Fina Casalderrey. Un encontro literario no que o alumnado de FPB poderá aprender moito dunha recoñecida escritora, guionista e gran defensora da lingua galega.
Conmemoración do 8M
Dende o CIFP Coroso queremos conmemorar o Día Internacional da Muller. Este ano o nos lema é "A muller da miña vida é...", que nos permiteu, coa colaboración do noso alumnado, acercarnos ás profesións e traballos realizados polas nosas mulleres. Convidámosvos a todas e todos para que vexades o resultado desta iniciativa no mural exposto na entrada do centro novo. Parabéns a todas!!
Celebramos o Día de Rosalía de Castro
O día 24 de febreiro celebraremos no CIFP Coroso o día de Rosalía.
Convertimos a Rosalía de Castro nunha Tanxugueira para simbolizar que ela foi unha muller inspiradora dentro e fóra da súa TERRA e que rompeu fronteiras coa súa obra. Aquelas persoas interesadas na escritora poderán visitar a exposición bibliográfica que estará exposta na Biblioteca do Centro durante todo o mes de febreiro. Agardámosvos!
Charla sobre prevención e consumo nos adolescentes.
O día 10 de febreiro tivo lugar na Biblioteca do CIFP Coroso unha charla sobre a prevención do consumo de drogas entre adolescentes.
Asistiron todos os grupos de FPB e contamos coa colaboración da Asociación Aprender a Educar.org Galicia. A directora da organización, un garda civil na reserva, e dúas testemuñas que viviron en primeira persoa o grave problema que arrastra o consumo, foron os encargados de tratar esta temática co alumnado.
Xornadas alumnado con TEA no CIFP Coroso
O martes 14 de decembro, tivo lugar na biblioteca do CIFP Coroso unha actividade formativa dirixida ao profesorado do centro para achegarnos ao trastorno do espectro autista - TEA, impartido pola psicóloga Marlene Horna Castiñeiras. O obxectivo era a comprensión deste trastorno e adquirir estratexias educativas para aplicar na aula.
O profesorado do Centro participará nunha xornada formativa sobre o ALUMNADO CON ESPECTRO AUTISTA NA FORMACIÓN PROFESIONAL. Terá lugar na Biblioteca do CIFP Coroso o día 14 de decembro das 16:00 ás 20:00 horas, e contará coa presenza de Marlene Horna Castiñeiras. Psicóloga clínica cunha dilatada experiencia traballando con persoas con TEA.
25-N. Coroso di NON. Día Internacional da eliminación da violencia contra a muller
O CIFP Coroso quere conmemorar o 25 de Novembro, día Internacional da eliminación da violencia contra a muller. NO QUE VAI DE ANO, FORON ASASINADAS EN ESPAÑA 37 MULLERES E 24 MENORES QUEDARON ORFOS. BASTA XA!!
Páxinas
- 1
- 2
- 3
- seguinte ›
- última »
Ligazóns
Nas seguintes ligazóns podes atopar recursos de interese:
TRADUTORES
- Tradutor Gaio -Xunta de Galicia
- Tradutor Opentrad
- Tradutor Open trad Apertium
- Traducíndote
- Tradutor de textos de Google
CORRECTORES
- OrtoGal: Corrector ortográfico de galego en liña.
- VOLGa, da USC (ILG): Indica se a palabra está admitida en galego ou non.
- Correctores automáticos das aplicacións tipo Word, OpenOffice...
DICIONARIOS
