No 2010 cumplimos 10 anos de Turonia. Son xa moitas edicións dunha actividade que percorre camiños e lugares do noso propio concello, e que fai que o coñezamos mellor en aspectos particulares, como a súa historia, as súas tradicións, etc, como en cuestións máis xerais, como zooloxía, botánica, etc.
As nosas camisetas e gorras xa son famosas por Tomiño, e a xente comenta "Alí veñen os de Turonia", cando ven pasar unha morea de cabezas verdes.
O logotipo empregado este ano fai referencia ao universo, como recordatorio das actividades que se fixeron no colexio durante o curso.
O Turonia de 6º fíxose conxuntamente con Barrantes e Sobrada, e trazamos o camiño de Santiago en sentido inverso, comezando no Tetón e rematando en Goián.
Pasamos noite no noso colexio, e ao final da segunda xornada, tivemos outra vez a experiencia das piraguas no río.
Unha experiencia inesquecible.
E tamén fixeron Turonia o resto dos alumnos do colexio. O primeiro ciclo fixo unha ruta pola zona do Xibao, e aprenderon moito sobre herbas e plantas.
O segundo ciclo e 5º curso fixeron un percorrido dende o cole ata Hospital, e dalí ao río de A Pedra. E xa demostraron que están preparados para o turonia final.
Se facedes clic na foto, podedes acceder a un album de fotos do Turonia de 6º