Biblio-Caselles

Como todos os anos por estas datas, o cole inúndase dunha marea morada que pretende "arrasar" esta lacra social que tanto nos avergonza.

Nesta ocasión, o equipo de biblioteca achegou unha proposta de traballo empregando a canción "BÁGOAS NA PEL", do grupo "Volta e dalle", como lazo comunicativo para toda a comunidade escolar. Os primeiros cursos encargáronse de escribir nuns círculos sobre o respeto entre xéneros e os rapaces e rapazas de 4º, 5º e 6º, prepararon as distintas palabras que conforman o retrouso.

 Tamén mostramos o traballo das compañeiras de cuarto curso de E.P que fixeron este fermoso mural para concienciarnos da importancia deste día. A súa vez, aproveitaron para recordarnos os dereitos dos nenos e nenas.

Agardamos que o resultado vos guste tanto como a nós.

 O Equipo de Biblioteca ca colaboración de 4 alumn@s de quinto curso realizou este vídeo para mostrar as novidades da biblioteca durante este curso tan especial.

Boas nenos e nenas!

Estou encantado con tanta correspondencia!

Gustáronme moito as vosas cartas,

tanto polo que me contades coma

polos debuxos e as cores.

Volvereivos a escribir!

Unha aperta,

                                               UNCAS

    Como non podería ser doutro xeito, este ano tamén celebramos o noso SAMAÍN, porque en Biblio-Caselles encántanos “PASALO DE MEDO”!!!

Para darlle valor as nosas raíces e tendo sempre presente a esencia da nosa cultura, quixemos facer unha homenaxe á tradición regueifeira do noso pobo. As regueifas, son disputas en forma de canto entre dúas ou máis persoas. Algo moi semellante ocorre coas actuais “batallas de galos”, que empregan o RAP como estilo comunicativo para resolver unha liorta oral entre os seus participantes. Desta mestura entre tradición e modernidade xurdiu o vídeo que achegamos a continuación. Unha disputa entre o Frankenstein, Home Lobo, pantasma e Drácula sobre quen é o máis terrorífico dos monstruos.

Agradecemos a colaboración do noso alumnado de 5º B.

 E a ti...

Quen che parece o máis monstruoso?

   O curso pasado, por mor do confinamento, non puidemos celebrar este día como acostumábamos. Pero si chegamos a realizar un vídeo no que se recollen as palabras que máis nos gustan en galego. Vídeo que queremos achegar novamente debido a que a Xunta e a RAG adiaron o acto oficial das Letras Galegas par este 31 de outubro. Desexamos que o desfrutedes unha vez máis.

   Os nenos e nenas do CEP Plurilingüe CEP Caselles Beltrán recibiron unha pequena sorpresa polo "Día da biblioteca". Uncas escribiu unha carta para cada un dos cursos, onde nos anunciaba que se iniciaría o préstamo de libros e de paso nos preguntaba polos nosos gustos lectores. Aquí queda un vídeo a modo de resumo do día.

Boas nenos e nenas do CEP Pedro Caselles!