Título | Resumo |
---|---|
RECOMENDACIÓNS LECTORAS | |
Senta un anaquiño e le un pouquiño |
Inauguramos un novo espazo escolar: un recuncho especial dedicado á lectura compartida! “Senta un anaquiño e le un pouquiño” é unha casiña onde poderedes atopar diversos libros, a cal está deseñada para fomentar o intercambio de libros entre a nosa comunidade educativa. O concepto é sinxelo: podes deixar un libro do que xa gozaches e coller outro que esperte o teu interese. Deste xeito, promovemos a lectura colaborativa e ofrecemos unha oportunidade para descubrir novas historias e aventuras. Convidamos a todas as familias a participar neste emocionante proxecto! Esperamos vervos pronto en “Senta un anaquiño e le un pouquiño” Equipo biblioteca e Equipo Patios.
|
Día Mundial do Autismo |
O 2 de abril celébrase o Día Mundial da Concienciación sobre o Autismo, unha data instaurada polas Nacións Unidas para visibilizar ás persoas co trastorno do espectro do autismo (TEA) Este ano o alumnado do centro participou na iniciativa CHÁMEMOLO POLO SEU NOME, polo que construímos un infinito entre todos os alumnos e alumnas do cole, creando lazos para seguir avanzando xuntos, man a man, trazo a trazo, nunha sinfonía de cor tan infinita e variable como o é o TEA.. |
Emisións de radio uncas |
Nesta semana do 10 ao 14 de xuño, colgaremos diariamente un programa de radio. Disfrutádeos: Mércores 19:
Luns 17:
Venres 14:
Xoves 13:
Mércores 12:
Martes 11:
Luns 10:
|
Guia de comunicación segura |
Para escoitalo: |
DÍA DE ROSALÍA |
O 23 de febreiro celebrase o Día de Rosalía e no noso cole tivemos unha visita moi especial: un ano máis volveu a visitarnos Rosalía! Desta vez, a nosa autora máis célebre necesitaba a axuda dos alumnos e alumnas do Pedro Caselles para poder escribir o seu poema “Adiós ríos, adiós fontes”. E tal dito, tal feito! Ao longo do día levamos a cabo a actividade “Palabras que fan poesía” enmarcada no proxecto do cole “Somos artesáns” e coa axuda dos nenos e nenas de 5o recreamos os versos deste poema escribindo coa pluma.
Pica na imaxe e visualiza o traballo tan fermoso que se levou a cabo. |
RADIO UNCAS |
Ao longo de 7 días puidestes gozar dos diferentes programas que prepararon e gravaron os nenos e nenas de 3º ao longo deste terceiro trimestre. Cada día os nosos presentadores e presentadoras dan paso á sección que toca. Nelas atoparedes cousas tan interesantes como o que podemos atopar no noso patio, a nosa biblioteca, algunhas das actividades que realizamos ao longo do curso, entrevistas... e ata peticións! Como todo bo programa de radio conta coa súa sección de publicidade, neste caso patrocinada por Flocos Tolos e gravada polos propios integrantes de dita cooperativa. Moitas grazas nenos e nenas de 5º! Por último, atoparedes unha predición do tempo a cargo do equipo de meteorólogos... que estiveron bastante acertados! Sen esquecer os agradecementos finais. Que dis? Que aínda non o escoitaches? Pois corre a RADIO UNCAS! Bo verán! Os nenos e nenas de 3º
|
11 DE FEBREIRO DE 2024: DÍA DA MULLER E DA NENA NA CIENCIA |
O pasado 11 de febrero conmemorarmos o Día da Muller e da Nena na Ciencia, por inciativa da Asamblea das Nacións Unidas. Polo que no 2º ciclo traballaron co kit de materiais achegado pola Xunta de Galicia en relación ao Programa de Polos Creativos. Que experiencia máis enriquecedora!
|
Visita autores |
Celebrando a literatura galega na nosa biblioteca escolar! Este mes, os alumnos de terceiro tiveron a honra de recibir unhas visitas moi especiais na nosa biblioteca escolar. A escritora María Lado, autora do libro "Caramomia", e o talentoso Pere Torabuela, autor de "Formigas", brindáronnos coa súa presenza.
Ao longo deste curso escolar os alumnos e alumnas tiveron a oportunidade de mergullarse no mundo literario destes autores galegos contemporáneos. Leron con entusiasmo as súas obras, explorando as historias cautivadoras e os personaxes memorables que crearon. Durante a súa visita, o alumnado realizou diferentes preguntas a Maria Lado e a Pere Torabuela, compartiu as súas impresións sobre os libros e profundizou no proceso creativo que deu vida a “Caramomia” e a “Formigas”. Esta actividade non só fomenta o amor pola lectura entre os nosos alumnos e alumas, senón que tamén lles brinda a oportunidade de interactuar directamente cos autores, enriquecendo a súa comprensión da literatura galega contemporánea e fortalecendo a súa habilidade para expresarse na nosa lingua materna. Agradecemos sinceramente a María Lado e Pere Torabuela pola súa xenerosidade ao compartir o seu tempo e coñecemento con nós. A súa visita deixou unha pegada, inspirándoos a seguir explorando o fascinante mundo da literatura galega. Continuemos celebrando e promovendo a nosa rica herdanza literaria na nosa querida biblioteca escolar!
|