Os cursos de 3º e 4º tiveron a oportunidade de asistir a unha charla na que a Policía Nacional e Autonómica falaron do seu traballo centrándose no referente ás zonas rurais, con especial incidencia nos incendios forestais. Con eles aprendemos cales son as medidas básicas de seguridade e que facer en caso de perigo.

Como fin de festa deixaron que visitaran os coches e puxeran o equipamento, así como poder observar o traballo cun dron.

Un día do máis completo!

Aínda tiñamos pendente subir as fotografías da excursión do noso alumnado de terceiro a Sargadelos e o Museo Provincial do Mar. Aprendizaxe e diversión como podemos ver nos seguintes vídeos e album de fotos:

O alumnado de 4ºA acudiu á centro de maiores Domus Vi e pasou un rato da mañá compartindo actividades con eles. Unha xornada de convivencia que se repetirá moi pronto co xa tradicional mercado de Nadal que organizan así como coa visita do Apalpador que organizan en decembro. Unha xornada do mais especial!

O alumnado de 4ºA viviu un día de Samaín monstruoso a pesar da choiva cunha presentación en forma de xogo de pistas que os levaba polas diferentes dependencias do colexio. Un dez!

O alumnado de cuarto visitou o labirinto de Rinlo e a praia das Catedrais nunha xornada na que lles acompañou o bo tempo e o compañeirismo. Recibimos felicitacións dos monitores polo ben que se portaron. Parabéns a todas e todos!

O Intelino segue a darnos alegrías nos diferentes cursos onde os usamos. Velaquí o resultado nas clases de terceiro:

Xa loce na entrada do centro o mural sobre libros e películas que fixo o alumnado de terceiro.

O alumnado do segundo ciclo recibiu unha visita moi especial, a do Club Ciclista Viveiro que, ademais de explicar o seu labor, deseñou un circuito de obstáculos para que o alumnado máis atrevido probara as sensacións na bicicleta.

Grazas ao C.C. Viveiro pola visita e por toda a súa actividade de iniciación á bicicleta cos nenos e nenas.

A visita do alumnado de cuarto a Corax Fauna deixou unha fermosa viaxe pero tamén unhas fotografías fermosísimas que podedes ver premendo na seguinte imaxe.

A súper acción de Mauricio é un libro creado polas persoas usuarias da Asociación Saúde Mental de A Mariña facilitado por Lucas Requejo. No día de onte viñeron presentar o libro e falar sobre todos eses aspectos co alumnado de cuarto curso. 

Ademais, o alumnado puido gozar coa actuación de maxia do mago Joge, que fixo a delicia de todo o mundo.

Grazas e ata outra!

Deixamos unhas cantas imaxes da pasada excursión do alumnado de 4º á cidade da Coruña:

Lembrades que os dous cursos de terceiro fixeron un Rap? Contámovolo no seu momento aquí

Pois xa nos enviaron os resultados e son inmellorables!

Na seguinte páxina poderedes escoitar os do noso alumnado (os dous primeiros) e o de resto de centros polos que pasou a "xira escolar" do programa Rapeando.

https://juanmalodo.bandcamp.com/album/rapeando-obradoiro

En terceiro de primaria puideron gozar coa actividade ofrecida polo Departamento de Normalización Linguística para realizar un rap en galego coa axuda de Juanma Lodo e Esther Carrodeguas. Unha primeira sesión con Juanma para coñecer as caixas de ritmos e efectos, outra con Esther para elaborar as rimas e letras e finalmente a gravación final.

Pronto recibiremos os resultados das gravacións.

No seguinte vídeo temos un resumo dos momentos vividos. Moitas grazas pola visita!

Hoxe, no Teatro Pastor Díaz de Viveiro, foi a estrea da nosa operiña, proxecto no que leva inmerso o alumnado de cuarto curso xa dende o ano pasado.

Hai máis de un ano chegaba a proposta da Fundación Bal y Gay de facer unha ópera na que participase alumnado de Primaria. Con cantantes da Escola Superior de Canto de Madrid, actrices da Escola Superior de Arte Dramática de Galicia, músicos de primeiro nivel que a Fundación xuntou para ocasión e a dirección de Javier Fajardo o proxecto podemos dicir que foi todo un éxito. A nosa versión de "As vodas de Fígaro" fíxose realidade e non podemos estar máis felices.

Grazas a todas as persoas que o fixeron posible, en especial ao noso alumnado que tanto traballou.