CEP Lois Tobío

Listaxe de material para 1º e 2º nivel.

Lixtaxe de material para 3º nivel.

Listaxe de material para 4º nivel.

Listaxe de material para 5º e 6º nivel.

HORARIO DE ENTRADAS

Todo o alumnado pode entrar no recinto dende que se abren as portas as 9:20 horas ata as 9:35 que comezan as clases, a medida que vaian entrando irán subindo para as aulas, agás o primeiro día, que formarán filas co mestre titor no patio.

REPARTO DE PORTAS PARA AS ENTRADAS

1º e 2º curso  entra polas portas pequenas en fronte do edificio pequeno.

3º e 4º curso entra pola porta principal pequena.

5º e 6º curso  entra pola verxa grande do patio.

Alumno transportado entra pola verxa grande do patio.

HORARIO DE SAIDA

Todo o alumnado sae do centro ás 14:35 se non vai asistir ao comedor.

As familias poden entrar no recinto 5 minutos antes de que toque o timbre para facer a recollida dos nenos/as.

REPARTO DAS FAMILIAS PARA A RECOLLIDA

1º e 2º curso na fronte do edificio pequeno.

3º e 4º curso na fronte do edificio grande.

5º e 6º curso na traseira do edificio grande.

Alumno transportado sae pola verxa grande do patio.

ALUMNADO DE COMEDOR

 Saen por grupo de nivel as 15:30 (aprox) pola porta principal pequena.

A día 1 de setembro de 2022, dado que hai máis solicitudes que plazas dispoñibles no comedor, quedan en lista de espera catro solicitantes. A lista pode consultarse no taboleiro do interior do centro.

E unha lista provisional.

A lista definitiva será publicada, no corcho do centro, o 7 de setembro, logo da reunión do consello escolar.

Para todas aquelas familias que non puideron recoller os libros de préstamo e vales de material ou libros en xullo poden facelo o martes día 6 de setembro en horario de tarde de 16 á 18 horas

Moitas grazas.

PALABRAS CON ENCANTO

Durante este ano escolar ese foi o noso lema, "Palabras con encanto"; con el tratamos de resaltar a importancia das palabras a través da música, da fala, dos libros e  dos recordos. Voltamos acadar un ano cheo de actividades lúdicas e didácticas que seguen a demostrar que en equipo as cousas saen moito mellor.

Hoxe, no Teatro Pastor Díaz de Viveiro, foi a estrea da nosa operiña, proxecto no que leva inmerso o alumnado de cuarto curso xa dende o ano pasado.

Hai máis de un ano chegaba a proposta da Fundación Bal y Gay de facer unha ópera na que participase alumnado de Primaria. Con cantantes da Escola Superior de Canto de Madrid, actrices da Escola Superior de Arte Dramática de Galicia, músicos de primeiro nivel que a Fundación xuntou para ocasión e a dirección de Javier Fajardo o proxecto podemos dicir que foi todo un éxito. A nosa versión de "As vodas de Fígaro" fíxose realidade e non podemos estar máis felices.

Grazas a todas as persoas que o fixeron posible, en especial ao noso alumnado que tanto traballou.

O noso alumnado de 5º pasou un día estupendo aprendendo surf e outras actividades acuáticas.

O alumnado de 4º viaxou a Sotavento e o Museo Etnográfico Monte Caxado. Velaquí un vídeo resumo da excursión:

A pasada semana conmemoramos a Semana da Educación Viaria facendo un circuito no pavillón, ao que o alumnado puido traer os seus patinetes. Alí tiñan que respectar os sinais de tráfico a risco de que lles puxeran multas. Gozamos e aprendemos!

No CENIMA (Centro de Interpretación da Mariña), na localidade de Foz, están expostos desde o pasado venres os traballos dos centros escolares participantes na exposición que dá continuidade á xa rematada sobre Quique Guerra, autor homenaxeado este ano.

O noso centro participa colaborativamente coa EEI San Roque nun traballo sobre as emocións. Cada clase da EEI San Roque elaborou un cadro sobre unha emoción diferente, ao mesmo tempo que o noso alumnado de terceiro ciclo facía nas clases de música unha composición musical que evocase a devandita emoción. Así, atopamos composicións artísticas sobre o medo, a tristura, a ledicia, o amor ou a calma. Ao lado de cada cadro hai un código QR para que as persoas visitantes podan escoitar a composición. 

Ademais das nosas obras pódense ver os traballos de colexios e institutos, dos que vos deixamos aquí unha pequena mostra fotográfica.