Onte tivemos unha charla e un obradoiro sobre a contaminación do medio mariño polo plástico. Comezamos coa charla a cargo de Verónica, investigadora do CEIDA (Centro de Extensión Universitaria e Divulgación Ambiental de Galicia), que nos axudou a descubrir como chegan os plásticos ao mar e que consecuencias teñen para a flora e fauna mariñas, pero tamén para todo o planeta. Despois baixamos a andar á praia da Torre e alí, despois de merendar e xogar un pouco, estivemos recollendo e clasificando plásticos. Foi moi interesante e tamén divertido.

Grazas, Verónica e Ángel!

Esta semana recibimos na BBS a visita de dous grupos de investigadoras e científicas que falaron co alumnado de 5º e 6º sobre o seu traballo e as implicacións que ten para a mellora e conservación do medio natural. O martes estivemos con Esperanza Álvarez e Ana Barreiro do grupo Uxafore (Unidade de xestión ambiental e forestal sostible) do Campus de Lugo da Universidade de Santiago de Compostela, que nos falaron sobre a importancia do solo na prevención do cambio climático e nos explicaron en que consiste unha investigación  que están a realizar nos terreos das comunidades de montes de Rianxo, entre elas a de Taragoña. 

O mércores viñeron ao cole Verónica e Ángel, investigadores do CEIDA (Centro de Extensión Universitaria e Divulgación Ambiental de Galicia), para levar a cabo unha charla e un obradoiro, na praia da Torre, sobre a presenza e as consecuencias dos plásticos nos ecosistemas mariños. 

Un luxo poder aprender ciencia con elas/es!

Hoxe visitaron o noso centro dúas investigadoras do grupo Uxafore (Unidade de xestión ambiental e forestal sostible) do Campus de Lugo da Universidade de Santiago de Compostela: Esperanza Álvarez, que é a coordinadora do equipo, e Ana  Barreiro. Viñeron falarnos da importancia do solo na prevención do cambio climático e dunha investigación sobre o estado e a mellora do solo que están a realizar nos terreos das comunidades de montes de Rianxo, entre elas a de Taragoña.  Foi moi interesante escoitalas falar e descubrir a importancia que ten o solo e a súa conservación, para os seres vivos, para o clima, para os ecosistemas... para o futuro do noso planeta. Ademais trouxeron mostras de materia orgánica do solo para ver nos microscopios da biblio e un  experimento para ver a importancia da presenza da materia organica no solo.

Canto aprendemos!

Grazas, Esperanza e Ana!