En Plástica comezamos traballando sobre a cor, diferenciando cores quentes e cores frías. Empezamos a ter as primeiras creacións comparando cores. 

O xoves pasado, no recreo, tivemos a biblioteca para 5º e 6º, só para nós. Puidemos ver e probar as novidades do Espazo Argalleiro, xogar e mesmo facer creacións ben bonitas nos ordenadores da BBS. 

Abriu a biblio! Xa tivemos a nosa primeira sesión de biblioteca, para lembrar normas, organización, recursos... Tamén descubrimos sobre que imos traballar este curso e puidemos facer os nosos primeiros préstamos. 

Mil cousas poden pasar, de Jacobo Fernández Serrano, é o primeiro libro do noso itinerario lector para este curso. Vai ser unha lectura compartida coa que, ademais de gozar da historia, tamén faremos traballo de Lingua Galega, de Plástica, de Sociais e de Naturais.

Seguimos coñecendo proxectos que desenvolveremos este curso. Este xoves abrimos unha nasa e... descubrimos Sintaxe, un método de aprendizaxe da gramática, creado polo profesor Emilio Neira Abuín, co que traballaremos este curso. A primeira sesión xa nos deixou con ganas de máis!

Hoxe traballamos cos ordenadores e entramos por primeira vez nas nosas contas de Edixgal! Xa había ganas! 

Houbo que ir amodo con usuarios e contrasinais e levou un tempo, pero conseguímolo. Xa somos unha aula Edixgal! Agora, a seguir para adiante!

Na clase temos un recuncho de xogos. Hoxe comezamos a descubrir cales hai...

Na primeira semana de setembro a artista Lidia Cao estivo pintando un mural, na parede do pavillón de Taragoña que dá ao noso patio. É un mural enorme e fermosísimo.

Comezamos un novo curso, somos o grupo de Quinto do Brea Segade e este será o noso blog