Skip to Content

Nota informativa: Días non lectivos

Informámoslles de que os días 20 de marzo e 4 de maio son os días non lectivos escollidos polo claustro en coordinación con IES de Carral.

 

A NOVA BIBLIO

Renovamos a biblioteca: case 5000 libros recatalogados, deseño de novos espazos para adaptarnos aos novos tempos e ao novo concepto de bibliotecas creativas, mobiliario adaptado en altura e accesible, sinalización con pictogramas... Velaí un pequeno vídeo!

Nova biblio from CEIP VICENTE OTERO on Vimeo.

ENTRADAS E SAÍDAS

No arquivo adxunto figura a organización das entradas e saídas que se levará a cabo dende este mércores día 12 de febreiro (incluído).

RESERVA DE PRAZA 2020/2021 PARA CENTROS ADSCRITOS

Xa está aberto o prazo para a reserva de praza de alumnado para os centros adscritos do curso 2020/2021.

 

As solicitudes teñen que presentarse no centro entre o día 1 e o 15 de febreiro. Os modelos poderán atopalos na web da Consellería de Educación e Universidade e Formación Profesional, na web do centro escolar ou de modo presencial na secretaría do centro. Para máis información, preman no documento adxunto.

 

O listado de reserva publicarase o 28 de febreiro como data límite.

 

 

 

DÍA DA PAZ

Celebramos o Día Internacional da Paz e a Non Violencia coa lectura do noso manifesto olímpico, o encendido da chama e a cerimonia de apertura cuns bailes multiculturais. Durante toda a semana o facho olímpico recorreu todas as clases onde se encheu de palabras que axudan á convivencia pacífica. Aquí tedes unhas imaxes do momento no que se fixeron os intercambios. 

Facho olímpico from CEIP VICENTE OTERO on Vimeo.

E velaí uns momentos da nosa cerimonia de apertura, a ver ese espíritu de concordia nos acompaña durante todo o ano! 

 

Cerimonia de apertura I from CEIP VICENTE OTERO on Vimeo.

 

 

TALLER PARA FAMILIAS

PRESENTACIÓN DO TALLER PARA FAMILIAS

“Como desenvolver a intelixencia emocional n@s nen@s” O vindeiro luns 3 de febreiro queremos convidarte como nai/pai ou titor/a á presentación deste taller para familias que se desenvolve no marco do programa “Educando en Valores” impulsado polo Departamento de Servizos Sociais do Concello.

 

Este celebrarase na aula de psicomotricidade do CEIP Vicente Otero Valcárcel, en horario de 16:30 a 18:30.

Os contidos a abordar nesta reunión serán:

- Presentación do traballo que se realizará nas aulas co alumnado no marco do programa Educando en valores

- ¿Que é a educación emocional e por que é importante?

- ¿Como podo axudar aos/ás nenos/as a desenvolver as súas competencias emocionais?

Imprescindible reservar praza canto antes no Departamento de Orientación do CEIP Vicente Otero Valcarcel. 

COMEZAN OS APADRIÑAMENTOS LECTORES

Fermosos momentos das primeiras lecturas compartidas entre os máis maiores e os máis pequenos do cole. Aprendendo entre iguais, coñecéndose para mellorar a convivencia e collendo hábitos de lectura por pracer. 

 

CONTACONTOS SOBRE IGUALDADE

Raquel Queizás amenizounos a mañá aos nenos de 1º e 2º cos seus contos sobre igualdade. Pasamos un rato moi divertido escoitando, participando e ata colaborando como actores e actrices. 

Contacontos de Igualdade from CEIP VICENTE OTERO on Vimeo.

Felicitacións ás familias:

O Equipo directivo, máis o claustro de mestres do CEIP Vicente Otero Valcárcel, desexan unha feliz despedida de ano e un Próspero ano 2020 a toda a Comunidade Educativa e Concello de Carral.

A dirección.

DÍAS DE NADAL

Para rematar este trimestre: recibimos as notas, comemos chocolate con churros, visitounos o Apalpador, paticipamos no terceiro día de Paralimpíadas e ata desfrutamos dun pequeno concerto. Aquí vos deixamos unhas imaxes.  Boas e merecidas vacacións para todos e todas!

Actividades do último día de curso. from CEIP VICENTE OTERO on Vimeo.

CONCURSO PARALÍMPICO

Xeniais os traballos dos nenos e nenas do cole en banda deseñada. Foi moi difícil elixir uns gañadores, sodes todos uns artistas, de verdade! Aquí vos deixamos a mostra. 

Nota informativa ás familias:

Infórmase que as actividades extraescolares de estudo e biblioteca comenzarán a partires do mércores día 8 de xaneiro.

As familias usuarias deberán pasar por conserxería para anotar ao alumnado .

As familias con alumnado participante na actividade de "Club de ciencia",  serán avisadas e convocadas a unha  reunión previa ao comenzo da actividade.

Nota informativa ás familias:

Grazas a xestión da Concellería de Educación do noso Concello de Carral,  o tan prezado Apalpador pasará polo colexio o día 20 de decembro para recoller os desexos de toda a Comunidade Educativa.

 

3 DE DECEMBRO E PARAOLIMPIADAS

Este mes de Decembro presentamos o Proxecto Documental Integrado ao alumnado que este ano se titula: LEO POR DEPORTE e que vai unido á celebración dos Xogos Olímpicos de XAPÓN 2020. Aproveitamos o tema para relacionalo co Día das Persoas con Diversidade Funcional e as paraolimpiadas. Dende os diferentes equipos do centro porpuxéronse varias actividades: as visitas de expertos, o concurso de banda deseñada e a celebración das nosas propias paraolimpiadas. Así vivimos este ano o Nadal no centro, poñéndonos na pel das persoas con discapacidade e desenvolvendo a empatía, a solidariedade e a equidade, valores que se magnifican nestas datas. Velaquí unhas imaxes dos diferentes momentos. Moi bo e especial Nadal para todos e todas! 

3 DE DECEMBRO from CEIP VICENTE OTERO on Vimeo.

Paraolimpiadas parte I from CEIP VICENTE OTERO on Vimeo.

Paraolimpiadas parte II from CEIP VICENTE OTERO on Vimeo.

TALLER PARA FAMILIAS

PRESENTACIÓN DO TALLER PARA FAMILIAS

“Como desenvolver a intelixencia emocional n@s nen@s”

O vindeiro xoves 19 de decembro queremos convidarte como nai/pai ou titor/a á presentación deste taller para familias que se desenvolve no marco do programa “Educando en Valores” impulsado polo Departamento de Servizos Sociais do Concello.   Este celebrarase na aula de psicomotricidade do CEIP Vicente Otero Valcárcel, en horario de 17:00 a 19:00.

Os contidos a abordar nesta reunión serán:

-         

Presentación do traballo que se realizará nas aulas co alumnado no marco do programa Educando en valores

-         

¿Que é a educación emocional e por que é importante?

-         

¿Como podo axudar aos/ás nenos/as a desenvolver as súas competencias emocionais?

Imprescindible reservar praza canto antes no Departamento de Orientación do CEIP Vicente Otero Valcarcel.

Distribuir contenido


by Dr. Radut