Durante estes días, os nenos e nenas de 6º de Educación Primaria, celebraron o Pleno Infantil. Dado que nesta ocasión non puideron visitar o Concello, a alcaldesa, María Barral, xunto co Concelleiro de Educación, Andrés Hermida, visitaron o colexio para recoller as distintas propostas que o alumnado lles trasladou.

Os nenas e as nenas, como veciños de Betanzos que son, fixéronlle chegar distintas ideas para mellorar o noso Concello e, se é posible, trasladalas ao Pleno "dos maiores". Algunhas destas propostas foron: darlle "cor" ao cole, posto que hai zonas escuras e con manchas, abrir a Ludoteca, poñer colectores á beira dos ríos, pintar murais nas paredes dalgúns edificios,... Tamén quixeron trasladar o seu agradecemento polos xogos pintados no patio, polo rocódromo que instalaron no patio cuberto e outras melloras levadas a cabo na nosa vila...

Dende o colexio queremos agradecer á familia Encinas-Carella o agasallo que fixeron para adornar o centro neste tempo de Nadal. Esta familia, coa axuda da súa filla Amanda e a súa amiga Marta, fixeron esta bonita árbore. Moitísmas grazas!

Mero ten un reto para ti... Visita o blog de Voz Natura para saber máis!!

Nenos e nenas de 2º E estiveron a aprender "Que é iso da Constitución?" Botádelle unha ollada aos seus traballos!!

Nenos e nenas de Infantil e de 1º Primaria traballaron o Día da Discapacidade baseándose no PDI da bilioteca "A Terra". En infantil traballaron sobre os planetas e en 1º sobre as plantas. Aquí está o resultado...

Non deixedes de visitar a BIBLIOFEIRA do 3 de DECEMBRO no blog de Leo e Mariña!!

O Concello de Betanzos pon en marcha o Campamento de Nadal "Betanzos Concilia".

O prazo de inscrición comeza este venres 3, e finaliza o luns 13 (ambos incluidos). 

As bases do campamento e demais información relevante estará operativa a partir do venres 3, na web municipal e na sede electrónica.

Para realizar as solicitudes de inscrición, o mecanismo é facelo a través da sede electrónica https://sede.betanzos.gal/

As persoas que acrediten que non contan cos medios técnicos necesarios, poden poñerse en contacto cos Servizos Sociais no teléfono 981.77.07.07.

Pode acceder a toda a información no seguinte enlace:

https://novas.betanzos.es/o-concello-de-betanzos-pon-en-marcha-o-campamento-de-nadal-betanzos-concilia/

A rapazada de 5º de Educación Primaria visitou as instalación do Aquarium da Coruña. Alí aprenderon un montón de curiosidades sobre a vida mariña!!

Os nenos e nenas de 6º de Infantil, xunto coas súas mestras, visitaron o Planetario. Alí aprenderon un montón de cousas sobre a lúa, as estrelas, os planetas... Tamén aproveitaron para "xogar" pola Casa das Ciencias. Pasárono en grande!!

A medida “Posto educativo no fogar” forma parte do programa “Educa en Dixital Galicia”. Esta medida facilita un equipo informático (portátil) e un servizo de conectividade asociado proporcionado a través dun router MiFi. Según os datos TIC recollidos na enquisa, comunicarase as familias dende as titorías a posibilidade de acceder a este equipamento seguindo os seguintes criterios:

1. Non dispoñer de conectividade por fibra/adsl no fogar.

2. A orde de comunicación comenzará dende os cursos superiores cara os inferiores (O alumnado de cursos E-dixgal empregará os recursos “offline” da maqueta ABALAR, só se atenderán circunstancias excepcionais sobrevidas).

3. Nº de equipos dispoñibles no fogar.

4. Nº de irmáns no Centro

Consideracións:

O reparto realizarase en orde ata chegar a finalizar os kits dispoñibles.

A entrega realizarase mediante a formalización dun acordo temporal de cesión coa familia.

O préstamo non poderá exceder o tempo de duración do curso académico. Así mesmo, o centro tamén poderá solicitar a devolución no caso de que cambien as circunstancias que motivaron a necesidade do préstamo.