A rapazada de 6º de E. Infantil fixo unha excursión ao Museo de Belas Artes, onde puideron gozar de esculturas e pinturas de diferentes artistas.

CLICADE NA IMAXE

PREME NA IMAXE!

Desde o vindeiro mércores día 1 ata o 20 de marzo de 2023 permanecerá aberto o prazo de solicitude de admisión para o vindeiro curso 2023/24, para todo o alumnado que entra por primeira vez no sistema educativo (maioritariamente en 4º curso de Educación Infantil), así como para o alumnado de Educación Infantil e Educación Primaria  que desexa cambiar de centro escolar sempre que haxa prazas dispoñibles.

Poden realizar as súas consultas no teléfono 881880237 ou no correo electrónico ceip.vales.villamarin@edu.xunta.gal 

Publicación das listaxes provisionais de alumnado admitido: 25 de abril.

Publicación das listaxes definitivas de alumnado admitido: 15 de maio.

 Formalización da matrícula: do 20 ao 30 de xuño.

INFORMACIÓN:

Información admisión alumnado.

Calendario procedemento admisión.

Áreas de influencia.

Postos escolares vacantes.

Tríptico PEC (Proxecto Educativo Centro).

Decreto 13/2022.

Orde 21 de outubro de 2022.

IMPRESOS:

Solicitude de admisión.

Documento de autorización de matrícula.

Solicitude de transporte normal (domicilio a máis de 2 km).

Solicitude de transporte excepcional

PREMEDE NA IMAXE

Hoxe tivemos unha xornada moi variada e chea de actividades!

Os nenos e nenas de 6º de Primaria asistiron, na Coruña, a unha obra de teatro en inglés titulada What monster!". A rapazada de infantil tivo a sorte de probar as filloas, grazas á colaboración das súas familias. Os de 1º e 2º tivemos unha xornada de xogos populares, coa axuda de nenos e nenas de 5º. E todo o cole gozou coa variedade de disfraces que levamos!

Moitas grazas a todos e todas!

clicade na imaxe!

Estes días andamos a coñecer máis polo miúdo a Rosalía, aí vai un adianto do que estamos a aprender...

Hoxe, as nenas e nenos de 2º de Primaria e as súas mestras, tivemos a sorte de ver a obra de teatro O Ratiño Presumido, representado por un grupo de mestras xubiladas do cole. Moitas grazas Carmen, Merchi, Toñita, Sonia, Pilar, Marita e Tita por facernos pasar un bo rato!!! Voltade cando queirades...

Un ano máis, no Vales, e acompañados pola Escola de Educación Infantil de Coirós, celebramos o Entroido por todo o alto!

Premede na imaxe

Hoxe 3º, 4º e 6º de Primaria recibiron a visita de técnicas do Instito Galego de Consumo. Faláronlles sobre os riscos dos disfraces, dos xoguetes, da etiquetaxe dos produtos,... Para rematar fixeron unha careta que decoraron e etiquetaron cos símbolos axeitados.

Nesta semana de Entroido, a rapazada de 1º de Primaria gozou coa saída ao MUNCYT. Aprenderon un montón de cousas sobre os medios de transporte e sobre os inventores e inventoras, que están máis preto do que pensamos!! Ata entraron nunha cabina de avión e voaron cos seus pequenos helicópteros!!

PREMEDE NA IMAXE