CEIP DE SERÁNS

Dende o CEIP de Seráns comprácenos anunciar que todo o alumnado que presentou a solicitude de admisión no noso centro educativo para o vindeiro curso 2022/2023 resultou ADMITIDO. 

CEIP de Seráns e EEI de Carballosa - Lapido colaborando coa Comunidade de Montes de Muro na repoboación dos nosos montes coa plantación de carballos.

(Actividade enmarcada en #CON-VIVE, #CPInclúe) 

Saida entre as unitarias do Concello de Porto do Son, desta vez a APÍPOLIS (preme no nome para poder coñecer máis sobre esta actividade). 

(Actividade enmarcada en #CON-VIVE, #CPInclúe)

Iniciándonos en ioga. 

Incríble sesión de ioga levado a cabo de forma conxunta coa EEI de Carballosa - Lapido. 

Aprender a relaxarse, estirar, controlar a respiración... fantástica experiencia. 

(Actividade incluída en #EduSaúde #CPInnova) 

Dende Consellería de Educación informase que, por motivos técnicos, a sede electrónica da Xunta de Galicia vén de ampliar 24 horas máis a presentación de solicitudes para o procedemento de ADMISIÓN DE ALUMNADO. 

22/03/2022

ARRINCA a viaxe do noso tren violeta para facer un breve, pero intenso, percorrido e poder coñecer así algunhas das mulleres que fixeron historia a nivel mundial e local. 

Súmaste á experiencia? 

(#8M #DonasdeSi #365díaspolaigualdade #Asnosasmulleres ) 

E logo de tanto traballo... velaquí o resultado! 

Lembrade que voltamos ao cole o próximo XOVES 3 de marzo. 

Pasade boa xornada! 

Entre o 1 e o 21 de marzo estará aberto o prazo de admisión nos centros escolares para o curso 2022/2023. 

Este procedemento está dirixido a todo o alumnado que entra por PRIMEIRA vez no sistema educativo así como para aquel alumnado de Infantil, Primaria, ESO e Bacharelato que desexen cambiar de centro escolar sempre e cando haxa prazas dispoñibles.

Os trámites poderán realizarse vía telemática na aplicación admisiónalumnado  (preme para poder acceder a ela) unha ferramenta que posibilita aos proxenitores cubrir a solicitude na aplicación. 

Unha vez pechado o prazo de solicitudes, as listas provisionais de persoal admitido/excluído publicarase o 25 de abril.  

Nota informativa* 

Achégase nesta publicación o Anexo II Solicitude de Admisión do Alumnado que poderá ser cuberto e entregado no centro.