Skip to Content

ADMISIÓN ALUMNADO 2021-2022: LISTAXE DEFINITIVA

Ven, 14/05/2021 - 06:06 — admin

 

Rematado o prazo de alegacións á listaxe provisional, comunícase que xa está dispoñible no taboleiro principal, dentro do recinto escolar, a relación definitiva de alumnado admitido e non admitido.

 

PROCEDEMENTO A SEGUIR:

ADMITIDOS: Deberán formalizar a matrícula do 21 ao 30 de xuño. (De non levar a cabo dito trámite, decaerá o dereito á praza obtida.)

Para iso deberán aportar a documentación seguinte:

- Tarxeta sanitaria.

- Libro de vacinas (cartilla saúde).

- 2 fotos tamaño carné.

- Impreso (cuberto) de formalización de matrícula.

NON ADMITIDOS:

Deberán agardar á resolución da Comisión de Escolarización, que decidirá o que proceda e contactará cas familias afectadas. 

Ben falado 3ºB

Lun, 10/05/2021 - 05:06 — Lu

Seguimos coa nosa iniciativa de coñecer un pouquiño máis a nosa lingua. Este mes tocoulle a 3ºB.

 

 

Ben falado 4º

Mér, 21/04/2021 - 05:21 — Lu

Este mes é cuarto quen nos deleita coa súa explicación dos nomes dos animais. Estade moi atentos!

 

ADMISIÓN DE ALUMNADO 2021-22: LISTAXE PROVISIONAL

Mar, 20/04/2021 - 03:30 — admin

Xa está publicada a relación provisional de alumnado admitido e non admitido neste centro para o vindeiro curso: 

4º Ed. Infantil: Todas as solicitudes foron admitidas.

6º Ed. Infantil: Tres solicitudes para unha vacante. Foron baremadas resultando unha admitida e dúas non admitidas.

1º Ed. Primaria: Tres solicitudes, non admitidas por non haber vacante.

2º Ed. Primaria: Unha solicitude, admitida.

3º Ed. Primaria: Dúas solicitudes, admitidas.

As listaxes pódense revisar presencialmente no taboleiro principal de anuncios, no interior do recinto escolar, e na  aplicación admisionalumnado, mediante certificado dixital ou chave365. Contra esta relación ábrese un prazo para posibles reclamacións de cinco días hábiles, a presentar na secretaría deste centro no horario habitual. 

A listaxe definitiva publicarase antes do 15 de maio.

A formalización de matrícula será do 20 ao 30 de xuño.

Ben falado 2ºA

Xov, 04/03/2021 - 07:33 — Lu

Continuamos as nosas leccións. Esta vez son os nenos e nenas de 2º A os que nos explican a diferenza entre entroido e carnaval.

 

ADMISIÓN ALUMNADO 2021-2022: SOLICITUDES E PRAZO

Xov, 25/02/2021 - 08:55 — admin

Do día 1 ao 22 de marzo estará aberto o prazo para presentar solicitudes de admisión nos centros de ensino públicos e concertados da Consellería de Educación.

As solicitudes poden realizarse directamente accedendo á aplicación admisionalumnado, ou cubrindo e entregando na Secretaría do colexio o Anexo II.

Convén ter en moi en conta a seguinte información:

- Vacantes ofertadas e información resumida (circular informativa)

- Criterios de valoración a efectos de baremo

- Folleto informativo

- Instrucións da Dirección Xeral de Centros

Todos estes documentos están expostos nos taboleiros de anuncios do centro.

 A Consellería irá actualizando a información relativa a todo o proceso nesta ligazón. 

VISITA VIRTUAL AO COLEXIO 

Debido á situación de pandemia non haberá xornada de portas abertas. No seu lugar ofrecémosvos unha visita virtual ao colexio. Agardamos que vos guste!

 

Ben falado 5ªA

Xov, 11/02/2021 - 14:30 — Lu

Este mes axúdannos os rapaces e rapazas de 5ºA a bucear no complexo mundo dos pronomes persoais. Con estas explicacións quédanos un pouco máis claro.

 

BO NADAL E FELICES FESTAS

Xov, 17/12/2020 - 07:03 — admin

Xa están dispoñibles as postais de Nadal deste curso. Esta vez adiantámonos!

LISTAXES PROVISIONAIS E DEFINITIVAS ADXUDICACIÓN MÁSCARAS (XUNTA)

Lun, 30/11/2020 - 12:54 — admin

Xa están dispoñibles as listaxes de adxudicatarios das máscaras proporcionadas pola Consellería no taboleiro interior do Centro.

Contra ditas listaxes pódese presentar recurso ata o xoves, día no que serán publicadas as listaxes definitivas.

Por non terse presentado recurso, as listaxes pasan a definitivas.

Proximamente comunicarase o xeito de entrega ás familias.

MÁSCARAS CONTRA A VIOLENCIA DE XÉNERO

Lun, 30/11/2020 - 06:36 — admin

No marco da campaña contra a violencia de xénero, o Concello de Arteixo vén de proporcionarnos máscaras reutilizables que serán repartidas a todo o alumnado do colexio.

Segundo nos comunican desde o departamento de Educación do Concello, as máscaras están homologadas segundo este certificado e son válidas para un mínimo de 10 lavados sen necesidade de ningún filtro. 

 

Distribuir contido


by Dr. Radut